Viveiro 31-5-18. O Concello de Viveiro rematou a execución da actuación denominada “Pavimentación e servizos na rúa Rego da Fonte en Celeiro – Viveiro (Lugo)” executada pola empresa Carferlo, S.L., por un importe de adxudicación de 187.550,00€.
O proxecto executado contempla a actuación de reposición da urbanización e mellora dos servizos urbanos existentes nun dos viais máis importantes do núcleo urbano de Celeiro.
As obras realizáronse no vial denominado Rúa Rego da Fonte que forma parte do viario interior do casco urbano de Celeiro, na zona comprendida entre a igrexa parroquial e a rúa Lavandeiras, así como nun ramal perpendicular a este vial denominado Camiño da Fonte.
Con esta actuación, levouse a cabo unha actuación integral dos servizos da rede de abastecemento de auga, rede de sumidoiros, rede pluviais e alumeado público realizados hai máis de 30 anos, que se encontraban nun estado de conservación moi deteriorado que orixinaban de forma continuada roturas en ditas canalizacións causando graves molestias tanto aos veciños como ao tráfico rodado e peonil existente na zona, e que debido ao crecemento urbanístico quedaron obsoletos.
Coa execución deste proxecto cumpríronse os seguintes obxectivos:
•Reposición do pavimento con baldosa hidráulica sobre soleira de formigón en zona de tránsito peonil e pavimentación con soleira de formigón en zona destinada a tráfico rodado.
•Dotación de servizos: dotación de bocas de rego e hidrante, mellora da rede de abastecemento de auga, saneamento e pluviais, disposición da canalización da líña eléctrica, telefónica e alumeado público.
•Dotación de mobiliario urbano.
Esta actuación está financiada pola Deputación de Lugo ao abeiro dun Convenio de Colaboración entre a Excma. Deputación de Lugo e o Concello de Viveiro.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
