Nota de Prensa
O BNG TEME QUE, COMA SEMPRE, O INCREMENTO DO GASTO PREVISTO NOS ORZAMENTOS DE 2010 NON SE CORRESPONDA COA MELLORA NOS SERVIZOS DE BARREIROS. ANTONIO VEIGA ADVIRTE DUNHA IMPORTANTE SUBA NAS PARTIDAS DAS TAXAS E PREZOS PÚBLICOS E NOS IMPOSTOS DIRECTOS E AGARDA EXPLICACIÓNS NO PLENO DE MAÑÁ.
Barreiros, 28 de xaneiro de 2010. O BNG de Barreiros critica o incremento do gasto que reflicten os orzamentos de 2010 que mañá se someten a debate e a aprobación nun pleno extraordinario previsto para ás 19:30 horas. Os nacionalistas agardan explicacións polo muido sobre a suba nas partidas que recollen as taxas, prezos públicos e impostos directos, que prevé o documento elaborado polo equipo de goberno.
Os nacionalistas advirten que “hai un incremento de 500.000 euros a respecto dos orzamentos do ano pasado. A situación económica non é moi boa para Barreiros e vemos que hai un aumento dos gastos, non hai intención de reducir ningún tipo de gasto sobre todo nun capítulo como é o de persoal, onde a partida destinada a este fin xa pasa do 50%, véuse incrementando nos últimos anos non sabemos moi ben porqué e os servizos que se prestan non se corresponden coa inversión feita en todo ese persoal. O que di moita xente en Barreiros é que o Concello parece mais ben unha oficina de colocación”. Antonio Veiga aclara que “nós non estamos en contra de que se contrate xente, pero eses servizos sí que teñen que mellorar para prestalos con total eficiencia e beneficio para a poboación”.
Os presupostos de Barreiros para 2010 ascenden a 3,5 millóns de euros e desde o BNG pregúntanse cómo se aumenta ese medio millón de euros con respecto ao de 2009. Veiga Outeiro di que “a explicación é moi fácil índose ás páxinas dos impostos, senón hai outros recursos parece que o Concello bota man da suba de impostos porque a pretendida partida que ía aumentar do IBI ou se incrementa pola suba do propio IBI ou porque se dan de alta moitas vivendas. Tamén as partidas que recollen as taxas e os prezos públicos vemos que aumentan bastante así como a relativa aos impostos directos. Agardamos unha explicación polo muido no pleno de mañá”.
No Bloque Nacionalista Galego felicítanse de que os orzamentos se aproben a principios de ano porque “foi algo que viñemos demandando desde hai moitos anos, xa que se levaban a pleno a finais de decembro do ano en curso. De todas formas cremos que esto non serve de nada, porque o PP non está acostumbrado a facer previsións debido a que pasaron moitos anos facendo postsupostos en lugar de facer presupostos e as cousas non cadran”. O portavoz nacionalista en Barreiros explica que “a este pleno vai un recoñecemento extraxudicial de crédito de 589.000 euros, todo isto foi destinado a gastos en bens correntes. O propio informe da secretaria-interventora é clarificador, di que eses gastos se contraeron sen a fase previa de autorización e disposición de gasto, sen que existise crédito suficiente para facerlles fronte no exercizo de 2009. Esto xa ocurrira no ano anterior, voltará a ocurrir este ano e probablemente se prevea facelo para o ano que ven”.
Antonio Veiga considera que “esto non é planificar, esto é dispoñer ao seu libre albedrío por parte do alcalde e dos concelleiros do goberno de turno dos cartos que lles apetece e para o que lles apeteza sen ningún control. O único control é unha vez xa feito o gasto traelo á mesa do pleno para o seu recoñecemento extraxudicial. Pensamos que ésta non é forma de organizar un Concello, esta forma de administrar os cartos ao seu libre albedrío en linguaxe claro chámaselle caciqueo, esto é o que fan o alcalde e os concelleiros do PP de Barreiros cos orzamentos, o que fixeron cos do 2008, cos do 2009 e o que pretrenden facer cos do 2010”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
