Burela, 19 de xuño de 2018. O alcalde burelés, Alfredo Llano, anunciou hoxe que o Lugo e o Oviedo enfrontaranse nun partido amistoso en Burela o vindeiro 1 de agosto. Así llo comunicou o presidente do club lucense ao rexedor con quen coincidiu o pasado domingo no estadio Anxo Carro, onde o Burela se mediu ao Pobra de Brollón na final da Copa Deputación.
Alfredo Llano lembrou que “o domingo estivemos en Lugo no Anxo Carro, para ver un partido extraordinario entre a Pobra de Brollón máis o Burela, que disputaron a Copa Deputación. Foi un torneo bonito, moi ben traballado polo noso equipo que se fixo campión merecidamente, venceu na final 3-1, xogaron ben e vese que leva bo ritmo, que está ben equilibrado e está formando un bo equipo para cumprir o ascenso que imos ter para esta nova tempada”.
O alcalde comentou que “estiven falando co presidente do CD Lugo, chegamos a un acordo, e hoxe mesmo confirmáronme que o día 1 de agosto imos ter un bo partido en Burela entre o Lugo e o Oviedo”.
O rexedor engadiu que “ás sete e media da tarde imos ter este encontro que vai ser, para min, interesantísimo. Penso que a xente de Burela merece este evento deportivo, é motivador para as escolas deportivas, para este novo club de fútbol que temos en Burela, e para todo o mundo que queira aprecialo e estea pola comarca nesa data”.
Para Alfredo Llano “é unha satisfacción moi grande. O outro día o presidente díxome que sería moi interesante, e hai que agradecer ese interese e a celebración deste partido en Burela”.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
