LUGO .- O presidente da Deputación, José Ramón Gómez Besteiro, pechará co conselleiro de Presidencia, Alfonso Rueda, a reunión do Consorcio Provincial de Bombeiros. O Deputado de Cooperación cos Concellos sinalou que o obxectivo da xuntaza é “impulsar a posta en marcha dos parques comarcais, empezando polo de Barreiros”.
Nota de Prensa
A Deputación investiu 1,2 millóns de euros en actuacións do canon nos últimos dous meses
– O organismo provincial destina este ano 3,6 millons de euros a saldar esta débeda histórica con Chantada e co resto de municipios que teñen produción hidroeléctrica
– A Xunta de Goberno deu o visto e prace ó Plan do Concello de Sober que suma preto de 297.000 euros
– Gómez Besteiro pechará co Conselleiro de Presidencia a reunión do Consorcio de Bombeiros na segunda semana de febreiro
A Deputación aprobou nos últimos dous meses investimentos por valor de 1,2 millóns de euros nos Concellos afectados polo canon hidroeléctrico, á marxe de Chantada, e que se inclúen dentro das anualidades 2008-2009. O voceiro provincial socialista, Antonio Gato Soengas, destacou que “a estas alturas só falta Guntín, pero estamos en condicións de facer un pequeno balance do que levamos destinado a obra pública nestes Concellos. Son actuacións ás que chegamos a través do consenso e que fomentan a creación de novos novos postos de traballo na provincia e satisfacen a demanda dos veciños, xa que son obras moi necesarias”.
Precisamente, a Xunta de Goberno deste venres aprobou o Plan de Obras de Sober por valor de 296.871 euros, que inclúe o acondicionamento de varios accesos en 20 núcleos rurais: Proendos, área recreativa, Arroxo, Santa Marta, Bolmente, Prados, Matama, Rosende, Barantes, Barreiros, Bulso, Regueiro, Nogueira, A Boca, Fervenza, Cadaval, Bananta, Piantes, Camilo e rúa da Panadería; o alumeado público nas localidades de Regueiro, Nogueira, A Boca e Fervenza; e o saneamento e abastecemento en 3 núcleos rurais: Froxán, Carqueixa e Mer.
Segundo o reparto, a Deputación investirá neste Concello 445.320 euros, dos que a cantidade aprobada hoxe, corresponde ó Plan de Obras dos anos 2008 e 2009. Unha vez apobado o Plan, o seguinte paso será a contratación das obras para inicialas canto antes. “Para o ano 2010 quedan importantes recursos que destinaremos a estes municipios. Precisamente, no Orzamento deste ano a Chantada correspóndenlle 1.649.802 euros e ó resto dos municipios 2.032.952. En total a cantidade que destina o organismo provincial a saldar esta débeda histórica ascende a 3.692.760 millóns de euros”, apuntou Gato Soengas.
Reunión Consorcio de Bombeiros
O voceiro provincial socialista anunciou que na semana do 9 ó 13 de febreiro o Presidente da Deputación, José Ramón Gómez Besteiro, pechará co Conselleiro de Presidencia, Alfonso Rueda, a reunión do Consorcio Provincial de Bombeiros. O Deputado de Cooperación cos Concellos sinalou que o obxectivo da xuntaza é “impulsar a posta en marcha dos parques comarcais, empezando polo de Barreiros”.
Outros acordos da Xunta de Goberno
A Xunta de Goberno tamén aprobou o documento complementario do estudo informativo da Autovía A-72: Monforte de Lemos-Chantada, no treito: cruzamento co canon do río Miño.
Do estudo complementario, dedúcese que a solución máis axeitada é a que resolve satisfactoriamente a incidencia que outras propostas producían sobre o ámbito do Ben de Interese Cultural da Igrexa de San Estevo, en Ribas de Miño.
Esta solución ten unha lonxitude de 4,8 quilómetros e iníciase no punto quilométrico 19,500. Formúlase o trazado ó límite norte do contorno do Ben de Santo Estevo, sen chegar a afectar á presa, a central hidroeléctrica e ó parque de distribución eléctrica de Belesar.
O trazado afástase uns 650 metros da zona da Igrexa, de xeito que non afecta a ningún dos elementos patrimonias da zona. Ó oeste da presa de Belesar, onde hai unha concentración destes elementos, o trazado desenvólvese mediante un túnel de 1,5 metros. Sobre a metade do treito, atravesa o río Miño mediante un viaduto de 670 metros e, máis adiante, sitúanse outras dúas pontes que salvan a C-533 e o río Asma. A proposta inclúe o enlace A Veiga, no punto quilométrico 19,700, e finaliza no 24,350.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
