Ribadeo, 28 de xuño de 2018. As novas instalacións de Acisa, sitas no nº 13 da rúa Viejo Pancho, en pleno casco histórico de Ribadeo, acolleron a entrega dun ordenador doado polo colectivo empresarial ao Club de Remo local.
No acto participaron José Antonio Lombardero, vocal na directiva da Asociación de Comerciantes, Industriais, Servizos e Autónomos e Nicasio Fernández, vicepresidente do Club de Remo de Ribadeo.
O presidente de Acisa, Francisco Iriarte, sinalou que “con este acto seguimos na liña de colaboración con asociacións ou clubs deportivos de Ribadeo. Desde Acisa o que facemos, sempre na medida das nosas posibilidades, é axudar doando material ou vales de compra para a adquisición deses materiais que estes colectivos precisan. Nunca damos cartos en efectivo, ou mercamos o que precisen en locais asociados ou entregamos vales de compra para gastar nos establecementos socios de Acisa”. E engadiu que “estamos moi contentos de colaborar co Club de Remo de Ribadeo así como con outros clubs ou asociacións locais vinculadas co mundo do deporte e da cultura”.
Pola súa banda, o presidente do Club de Remo de Ribadeo, Miguel Balsa, agradeceu “a colaboración de Acisa con nós, grazas á que temos este ordenador, que é de grande utilidade para o traballo administrativo que desenvolvemos, así como para a planificación das regatas, etc. Sen algo tan fundamental como un ordenador non se pode funcionar en condicións”.
Actividade en Rinlo
Mañá, venres, pola noite Acisa en colaboración coa Xunta de Galicia organiza un espectáculo en Rinlo “co fin de dinamizar algunhas parroquias tan importantes coma esta, que conta cuns establecementos hostaleiros e gastronómicos de grande categoría como son A Cofradía, El Portillo, A Mirandilla ou Porto de Rinlo”, sinala o presidente de Acisa, Francisco Iriarte.
A partires das 22:30 horas na praza de San Catalina haberá un espectáculo musical e visual a cargo de Queiman e Pousa. Os que se acheguen ata Rinlo gozarán dunha noite máxica e sorprendente, na que se exaltará a súa gastronomía, a paisaxe e a tradición.
Iriarte anima “a todo o mundo a asistir a este espectáculo e a non perder a oportunidade de consumir e cear nos catro establecementos asociados a Acisa cos que contamos en Rinlo”.
E engade: “desde Acisa xa traballamos en novas actividades para seguir dinamizando Rinlo e outras zonas ás que ata o de agora non chegaramos”.
ACISA donou un ordenador ao Club de remo local. O acto de entrega tivo lugar nas novas instalacións da Asociación empresarial, sitas na rúa Viejo Pancho
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
