Santiago de Compostela, 28 de xuño de 18. A portavoz de Pesca do Grupo Socialista, Loli Toja, sinalou hoxe que a Xunta deixou sen executar en 2017 o 63 por cento do programa de Competitividade e Mellora da Calidade da Produción Pesqueira e da Acuicultura, que para 2018 conta con 20 millóns de euros. No debate dunha pregunta oral en Comisión, explicou que estas cifras demostran que Feijóo “deixou de loitar para defender á nosa flota pesqueira”.
Advertiu que como consecuencia disto a facturación pesqueira diminúe en relación ao nivel de descargas nos portos, xa que “incorremos en maiores custes e non xeramos maiores ingresos porque o prezo medio diminúe cada ano, o que supón o empobrecemento do sector pesqueiro”.
As consecuencias do desleixo da Xunta, explicou, son que o goberno galego permitiu a perda de 4.400 persoas ocupadas no mar, que deixan as súas embarcacións en dique seco pola falla dunha política de relevo xeracional. Amosou a súa sorpresa polo anuncio da Xunta de que destinarían 400.000 euros a formación, a metade dos 800.000 previstos para os orzamentos do ano pasado.
Un de cada cinco homes e unha de cada tres mulleres, dixo, abandonaron o sector sen opción de renovación por falla de futuro. Advertiu que o sector pesqueiro é o que máis poboación ocupada perdeu no último ano, un 21 por cento dos seus integrantes, unha situación especialmente grave no caso das mulleres, xa que a redución aumenta ata o 31 por cento.
Mentres, o goberno galego só executa o 30 por cento do programa con maior asignación económica dos orzamentos da Consellería do Mar, ao tempo que reduce partidas como eficiencia enerxética ou os seguros de mal tempo e deixa sen executar os plans de seguridade, como o de sinalización de bateas.
Agravio comparativo
Toja acusou hoxe ao presidente da Xunta de “renunciar a defender a nosa flota e de loitar por defender un sector no que o 85 por cento constitúe pesca artesanal”, deixando os brazos caídos na loita por obter unha maior representación no reparto de cotas de pesca. O resultado, dixo, é un “agravio comparativo” nos métodos de asignación das posibilidades de pesca.
Na comparecencia da directora xeral de Pesca para informar sobre a evolución da xestión e ordenación das flotas nos caladoiros cantábrico e noroeste, explicou que Galicia sae claramente prexudicada. No caso da xarda, unha arte de cerco, Galicia ten o 24 por cento das posibilidades de pesca cando conta con 150 buques, mentres Cantabria, con 44 buques, ten o 24 por cento, e o País Vasco, con 66 buques, ten o 50 por cento.
No caso do arrastre, Galicia pasou de 111 buques en 2010 a apenas 78 hoxe, e nas artes distintas ao arrastre e cerco, Galicia ten o 18 por cento das cotas a pesares de contar con máis do 90 por cento das embarcacións totais con caladoiro Cantábrico Noroeste.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
