RIBADEO (FNC) .- O vindeiro venres 5 de febreiro dará comezo en Ribadeo un ciclo de conferencias denominado Facendo viva a voz das mulleres. A primeira charla estará adicada ao grupo de gaiteiras Meniñas de Saudade, no ano no que se conmemora o 50 aniversario da súa creación. Será ás 20:30 horas na Casa do Mar e alí exporase o documental Saudade e retrato en sí bemol realizado por María Acuña, comunicadora audiovisual.
A concelleira de Muller, Mariluz Álvarez Lastra, convida “a todos os veciños tanto da nosa vila como dos arredores a que participen no ciclo de charlas que dará comenzo este venres e que trata de valorizar a contribución que as mulleres tanto de Ribadeo como da Mariña tiveron na nosa historia, aquelas mulleres que foron suxeitos anónimos pero que deixaron pegada polo seu quefacer en calqueira dos ámbitos da vida”.
A edil nacionalista sinala que “imos comezar este ciclo divulgando o que foi o grupo de gaiteiras de Ribadeo Meniñas de Saudade. Elixímolas a elas para iniciar esta andaina por seren de Ribadeo e porque neste 2010 se cumpren 50 anos da creación de dito grupo. Foi o primeiro grupo de banda de gaitas formado exclusivamente por mulleres en Galicia”.
Álvarez Lastra engade que “as charlas terán continuidade en diferentes venres ao longo deste inverno e da primavera e en cada cita tentaremos dar a coñecer a historia, a vida e a contribución que tiveron as mulleres da Mariña e as de Ribadeo en calquera ámbito da música, da arte…”.
Un pouco de historia do grupo Saudade
Saudade nace baixo o mecenazgo de Carlos Súarez Couto en 1960. Son a primeira banda de gaitas formada exclusivamente por mulleres de Galicia e do estado, e posiblemente en todo o mundo.
Nun principio foron sete: Teresa Amor Simón, Mª Dolores Ponte Forés, Elena Fernández, Mª Carmen Carnota López, Concepción Redondo Lastra, María Cubero Loredo e Teresa Rodríguez Ruíz e foron sumándose posteriormente Carmen Rodríguez Ruiz, Josefa Otero López, Laura Alonso, Carmucha Pérez, Gloria Alonso Del Riego, Alvarita Diaz Muñiz, Marisa Peña Rego…
Amando Súarez retrata a estas sete gaiteiras nun cadro que serviu para financiar o monumento ao gaiteiro erixido en Santa Cruz en 1965, obra do escultor ourensán Failde, cadro que se vendeu ao Museo Provincial de Lugo. A súa compositora tamén era unha muller, Amadora Suárez Couto.
A indumentaria que usaban era tipíca ribadense do S. XVIII. Para a confección dos traxes documentarónse na Real Academia Galega, no Ballet Galego de A Coruña e en cadros do pintor Dionisio Fierros Álvarez. Dirixiu a confección dos traxes Matilde García de Paredes.
Inauguraron o ferrocarril da Costa e o primeiro barco de Pescanova en Vigo, filmáronas en Betanzos para a película Asi es Galicia (dirixida pos Santos Núñez, 1964), no documental de Galicia Insólita apareceron no NO DO. Estiveron no Gran Teatro de Lisboa e na televisión portuguesa e percorreron Galicia e Asturias. En 1997, a raíz da súa aparición na TVG Saudade desfilou por última vez polas rúas ribadenses na Cabalgata de Reis.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
