A Mariña, 19 de xullo de 2018. A Mancomunidade de Municipios da Mariña solicita unha subvención de 240.000 euros á Xunta de Galicia para executar o II Plan Integral de Emprego. En total son 10 os concellos que están interesados en participar nesta iniciativa, a través da que se ofrecerá formación a 100 persoas, das que o 35% deberán ser insertadas laboralmente durante varios meses.
O presidente da Mancomunidade de Municipios da Mariña, Alfredo Llano, declarou que “a Mancomunidade ten un interese grande en solicitar o plan integral de emprego. Xa tivemos a experiencia hai dous anos de facelo para seis concellos, e foi todo un éxito para a xente que se apuntou a este plan de emprego máis para os concellos que nos puxemos a facelo. Tivemos éxito total no aspecto de que insertamos laboralmente ao 25% e saíulle gratis a cada un dos concellos facer esa actividade”.
Llano salientou que “este ano hai novidades, xa que hai máis investimento na subvención. Nosoutros solicitamos 240.000 euros pensando en facelo o máximo e o mellor posible, e imos poñernos neste plan dez Concellos da Mancomunidade. Estes son: Ribadeo, Barreiros, Foz, Alfoz, Valadouro, Burela, Viveiro, Vicedo, Riotorto e A Pontenova. Imos intentar levar para adiante este programa integral de emprego que nos parece algo necesario e colaborativo coa xente que necesita que dalgunha forma se lles apoie no emprego”.
O presidente da Mancomunidade dixo que “o plan vai destinado para colectivos que dalgunha maneira están afectados pola falta de emprego, en paro de longa duración, que teñen algunha situación particular como violencia de xénero ou difícil acceso derivado dos poucos estudos. Imos procurar darlles tamén cobertura en bastantes especialidades como agricultura ecolóxica, xardineiría, forestal, hostalería, axuda no fogar, e incluso industrial. Tamén imos conseguir ofrecerlles formación en temas como preparación de currículos, inglés, informática, manipulación de alimentos, tratamentos fitosanitarios e de primeiros auxilios. Ademais hai unha cousa que nos parece importante, a min como educador, que é unha rama para aquela xente que precise mellorar a formación para poder presentarse a ciclos medios ou que remate a ESO. Imos darlles o ensino para que poidan acadar eses títulos, linguaxe, matemáticas e todo aquilo que sexa necesario para que saquen adiante o que consideramos imprescindible en estudos”.
Alfredo Llano engadiu: “consideramos que este novo plan de emprego é importantísimo, temos o apoio de dez Concellos e ademais unha boa contía. Imos tratar de facer unha boa labor, temos que insertar laboralmente, unha vez rematado o programa, ao 35%, pero cos dez concellos non cremos que sexa difícil. Hai que facer este programa para un mínimo de cen persoas, tal e como está agora o paro é fácil que poidamos conseguilo e se non se consigue mellor, porque quere dicir que está traballando a xente. Pero imos intentar conseguilo todo, a inserción do 35% que serían 35 persoas, e facer o programa para 100 persoas”.
Por outra banda, Llano dixo que “segue adiante o proceso de selección do xerente de Turismo da Mancomunidade de Municipios da Mariña. Unha vez que remate a presentación da documentación, procederemos á selección. Gustaríame que todo estivese listo para que comezase a traballar a mediados de agosto”.
A Mancomunidade de municipios da Mariña solicita 240.000 euros para o II Plan integral de emprego. Hai dez concellos que están interesados en participar
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
