Nota de Prensa
O GMPP pídelle a Domenech que se adique a traballar.
Lémbralle que o saneamento de Burela fíxoo o PP.
Os populares din que o saneamento de Cotos a Ril non resolverá todo o problema.
O GMPP de Burela solicitoulle hoxe ó edil de obras socialista Pascual Domenech que non perda o tempo en tonterías e se adique a traballar. Os populares lémbranlle que o proxecto de saneamento de Cotos a Ril é escaso e non atenderá todas as demandas dos veciños. O PP mantivera conversas cos veciños e fixera tres estudios, e dase a casualidade de que o máis barato e sinxelo andaba polos trinta mil euros.
Ademais, lémbranlle a Domenech que, lle guste ou non, o saneamento integral de Burela e a EDAR son obra do PP; Domenech debería saber que hai concellos gobernados polos socialistas que ainda non contan con EDAR, e este señor adícase a decir tonterías; nótase que leva pouco tempo en política, e tamén se nota o seu descoñecemento do que se fixo nos últimos doce anos. Só decille que Burela, con alcalde socialista, vertía todo directamente ó mar e a traída de augas tiña fugas día sí e día tamén, e que foi o PP quen cambiou toda a situación cunha inversión que superou os mil millóns das antigas pesetas.
No que se refire á recollida de augas pluviais, deberá saber o señor Domenech que, que casualidade, tamén foi o PP quen incluiu esa proposta na Axenda 21, e ahí están as actas da comisión de Medio Ambiente, que indican a obrigatoriedade de que as novas licencias leven separativo de recollida de pluviais e saneamento, e que as novas rúas tamén contemplen tal separativo. Agora ben, deberá aclarar se conta levantar todo Burela para poñer recollida de pluviais, e se vai facer coma en Suafonte e en Castrelo, cambiar o proxecto polas bravas, sen falar con ninguén e sen dar ningún tipo de información.
En definitiva, este home vende fume, e o peor de todo é que este ano e medio non dá para fiarse del: como mostra, a súa afirmación de que as obras de Suafonte e Castrelo durarían un mes, ou a súa celeridade para a preparación das praias.
En Burela, a sete de Outubro de dous mil oito.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
