Viveiro, 3 de setembro de 2018. No período estival a Oficina de Turismo do Concello de Viveiro recibiu un total de 22.887 visitas, das que 18.600 se corresponden con turismo nacional. Este cifra mostra un claro incremento no número visitantes, considerando que pode deberse ao traballo realizado ao longo dos últimos para promocionar o noso municipio dentro e fóra das nosas fronteiras, destacando a importancia de estar presentes nas feiras de turismo internacionais máis importantes, como é o caso de WTM e Rimini.
En canto ás cifras de turismo nacional, cómpre sinalar que Viveiro recibiu en xuño un total de 849 visitantes; en xullo, 7.356; e en agosto, 10.395. En canto ao lugar de procedencia, cabe sinalar que a maior parte deste turistas proceden de Madrid, Galicia, Castela e León, País Vasco e Cataluña, por esta orde.
En canto ás cifras de turismo internacional, cómpre sinalar que en xuño Viveiro recibiu un total de 1.003 visitantes; en xullo, 1.230; e en agosto, 2.054 visitantes. En canto ao lugar de procedencia, cabe sinalar que a maior parte destes turistas proceden de Francia, Reino Unido, Alemania, Holanda e Italia, por esta orde.
O que máis valoran os turistas que visitan o noso concello son as súas paisaxes, a tranquilidade, a gastronomía, as praias e a amabilidade da xente. Isto demostra, como vén afirmando o concello, que Viveiro é un destino turístico de calidade, que ofrece ao visitante diversas opcións.
Atendendo ás razóns polas que estes visitantes escolleron Viveiro como destino turístico, cómpre destacar que a gran maioría viñeron ata aquí por iniciativa propia, é dicir, que escoller esta opción despois valorar outras opcións, sendo coñecedores dos seus recursos e posibilidades. Outros motivos polos que Viveiro foi escollido como destino estival son a información que os propios visitantes atoparon sobre o municipio en interne, a información facilitada noutras oficinas de turismo e a presenza de Viveiro en revistas especializadas.
Segundo a información facilitada, os sitios máis visitados dentro do noso municipio son o casco histórico, San Roque, as praias, o Souto da Retorta e o Pozo da Ferida.
Cómpre sinalar, finalmente, que a estancia media destes turistas en Viveiro é duns 6-7 días, sendo a media de idade predominante, por franxas de idade, a de 45-54 anos, seguida en segundo, terceiro e cuarto lugar, respectivamente, por aqueles que van dos 35 aos 44 anos, dos 55 aos 64 anos e dos 25 aos 34 anos. Do número de visitantes totais, un 76,64 % visitaban Viveiro por primeira vez.
Dende o Concello de Viveiro valóranse estes datos moi positivamente.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
