Barreiros 6-9-18. Estase acabando o verao e de nós parece que non se acordan. Neste mes iranse ocupando outra vez os escanos do Congreso dos Deputados e volverán coas súas leas e uns acusarán a outros de baleirar a caixa das pensións ou de facer subas raquíticas das pensións.
Pero este verao, algunha decisión xa tomaron, pois como vos dixemos xa hai varias semanas, imos pagar a luz mais cara, e en Galicia moito mais, simplemente porque ás compañías eléctricas lles apetece e ninguén lles fai frente. E por se esto fora pouco, tamén vai subir o combustible, pois como decían os xornais en días pasados “Galicia volve de vacacións cos combustibles mais caros dos últimos catro anos, de forma que encher de gasoil o depósito dun coche estándar, costa 9 euros mais ca en 2017”.
Dispáranse os prezos e as raquíticas subas das pensións quedan moi lonxe de medrar proporcionalmente á suba do coste da vida.
Mentras non se ataque o problema de fondo, derrogando as reformas laborais que produciron esta situación, e mentras non se aprobe unha nova lexislación laboral que restitúa os dereitos perdidos, non avanzaremos nada. Mentras, seguiremos lamentándonos da suba da inflación, que para este ano calcúlase que se vai situar no 1,9% (no mes de xullo foi xa do 2,2%), e polo tanto o noso poder adquisitivo seguirá disminuindo. É pois necesario e urxente que o goberno de Pedro Sánchez ataque o problema de raíz, deixándose de parches. Se houbo unha maioría no Congreso dos Deputados para poñelo no goberno, esa mesma maioría tén que ser a que derrogue esas lesivas reformas laborais do Psoe e do PP e inicie un novo tempo na recuperación dos dereitos laborais e sociais.
Por eso seguimos e seguiremos coa nosa táboa reivindicativa:
– derrogación das reformas laborais
– aprobación dunha nova lexislación laboral e social que restitúa os dereitos perdidos como consecuencia das reformas anteriores
– pensión mínima igual ao salario mínimo interprofesional
– recoñecemento do dereito á xubilación ordinaria aos 65 anos
– establecer a actualización anual das pensións en base ao IPC
– blindaxe do sistema público de pensións
– pensións dignas e con poder adquisitivo
Colectivo de Xubilad@s e Pensionistas de Barreiros
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
