CERVO .- A empresa pública de Servizos Hidráulicos da Consellería de Medio Ambiente sacou a licitación mediante procedemento de adxudicación negociado sen publicidade a obra de mellora da rede da rede de Cervo por un importe de 209.767 euros.
Nota de Prensa
A CONSELLERÍA DE MEDIO AMBIENTE SACA A LICITACIÓN OBRAS DE MELLORA DA REDE DE ABASTECEMENTO DE AUGA DO MUNICIPIO POR UN IMPORTE DE 209.767 EUROS
Cervo, 6 de febreiro de 2010.- A empresa pública de Servizos Hidráulicos da Consellería de Medio Ambiente ven de sacar a licitación mediante procedemento de adxudicación negociado sen publicidade a obra de mellora da rede de abastecemento do concello por un importe de 209.767 euros. Así o indicou o alcalde de Cervo, Alfonso Villares no día de hoxe.
Segundo explicou o rexedor cervense, estas obras teñen por obxecto actuar na mellora de diversos tramos da rede de augas municipal nos núcleos de Cervo, Lieiro, San Ciprián “e de xeito especial nos burgos de Castelo e Rueta”, sinalou. “Con estas obras -dixo- tentamos dar solución en tres frontes: Por unha banda, renovaremos boa parte das canalizacións de abastecemento de augas nas zonas que presentaban maiores problemas de avarías polo paso do tempo; por outra, optimizaremos a calidade do servizo en puntos onde a rede adoecía de deficiencias; e por último aproveitaremos tamén para dotar deste servizo a zonas que ata o momento carecían del” asegurou o alcalde.
Villares salientou o beneficio que suporá este investimento feito dende a Xunta para os veciños do concello e recordou que dita actuación forma parte do programa de dotación e mellora de infraestruturas básicas do termo municipal levado a cabo dende o Goberno local. “Estas obras veñen a complementarse con outras que xa se están a levar a cabo no concello, coma son as de saneamento en San Ciprián e Cervo; así coma outras programadas como as da Senra. Deste xeito o que pretendemos é dotar e modernizar as infraestruturas básicas do noso concello paulatinamente ata poder chegar a tódolos núcleos de poboación” indicou.
Unha vez rematado o prazo de licitación, a empresa adxudicataria das obras terá un prazo de nove meses para levar adiante dita mellora da rede de augas do termo municipal de Cervo.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
