Nota de Prensa
“O tempo pon a cada un no seu sitio” –expoñen satisfeitos os populares- tras meses de debate sobre unha inexistente intención da Xunta de xestionar desde Lugo a área de saúde da Mariña lucense
SANIDADE DEIXA EN EVIDENCIA A PSOE E BNG TRAS DESMENTIR MESES DE ESPECULACIÓNS E MENTIRAS SOBRE A PERDA DE SERVIZOS E AUTONOMÍA DA ÁREA SANITARIA
* A Consellería de Sanidade confirma a membros da plataforma sanitaria que a área norte de saúde terá plena autonomía na xestión de recursos materiais e humanos e que o centro directivo e de gasto estará en Burela.
* Os populares están convencidos de que socialistas e nacionalista sabían que non había ningunha razón para falar da perda de autonomía e servizos na sanidade comarcal e aínda así pretenderon confundir á cidadanía.
A Mariña lucense, 06 de febreiro de 2010.- Segundo explicou o secretario xeral do Partido Popular de Lugo, Jose Manuel Balseiro Orol, a xuntanza mantida nos pasados días entre altos cargos da Consellería de Sanidade e membros da plataforma pola área norte de saúde confirmáronse os argumentos mantidos durante os pasados meses polo Partido Popular: A carteira de servizos do Hospital da Costa non só se manterá, senón que incluso será ampliada, a área norte de saúde non desaparecerá, senón que terá plena autonomía na xestión dos recursos humanos e materiais, e un presuposto independente. A maiores disto a titular do departamento de Sanidade confirmou que a área norte de saúde manterá un xerente propio, que xestionará dun xeito conxunto e integrado a asistencia primaria (centros de saúde) e especializada (PAC´s e Hospital)
PSOE E BNG EN EVIDENCIA
Os devanditos compromisos unha vez máis veñen a deixar en evidencia a PSOE e BNG que durante meses especularon sobre a perda de autonomía e servizos da sanidade comarcal pese a ser plenamente conscientes de que o que estaban a dicir era “totalmente falso”. O seu único interese –en opinión dos populares- era xogar a confundir a cidadanía a xerar alarma social nun ámbito sensible como é o da saúde, co que pretendían acadar dubidosos réditos electorais.
“O tempo pon a cada un no seu sitio” –expón satisfeito Balseiro Orol- tras meses de debate sobre unha inexistente intención da Xunta de xestionar desde Lugo a área de saúde da Mariña lucense
DESCULPARSE ANTE OS VECIÑOS
O secretario xeral dos populares lucenses esixe aos cargos públicos do PSOE que se concentraron diante do hospital, e ao BNG –moi prolíficos nas súas declaracións nos medios de comunicación- que se desculpen ante os veciños da Mariña aos que quixeron converter en vítimas dun engano masivo. “O seu comportamento foi inaceptable, pois pese a ser plenamente conscientes mentiron aos mariñáns facendo crer que o Hospital da Costa, a súa autonomía e servizos estaba en perigo, cando o certo é que foi a súa mala xestión a que deixou a sanidade comarcal nun estado moi deteriorado que agora estamos traballando para corrixir” e lembran por exemplo as máis de 4.000 persoas que ocultaron da lista de espera e deixaron sen asistencia sanitaria e que agora “si a están a recibir”
CO BIPARTITO A MARIÑA SEMPRE PERDE
No Partido Popular están convencidos de que “con PSOE e BNG a Mariña sempre perde”. Balseiro Orol explica que cando socialistas e nacionalistas estaban no Goberno bipartito da Xunta porque “foron incapaces de acadar nada positivo e relevante para esta comarca”, e agora na oposición “porque tampouco son capaces de facer nada positivo e por riba inventan razóns para criticar os esforzos do novo Executivo popular por corrixir aquilo que está mal feito ou debe mellorarse, como é o caso do funcionamento do SERGAS”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
