A Mariña. 11 setembro, 2018. Os voceiros do PP en Alfoz, O Valadouro e Viveiro, Juan José Fraga, José Manuel Lamela e Antonio Bouza, respectivamente, recoñecen “non dar crédito” aos argumentos esgrimidos polos alcaldes destes municipios para xustificar a súa decisión de non solicitar os obradoiros de emprego que concede e financia ao 100% a Xunta de Galicia.
Deste xeito, os populares reproban “o descarado atrevemento” dos rexedores socialistas, “pois se non dispoñen destas axudas é porque non as solicitaron. Todo o que digan a maiores son escusas de mal pagador, xa que as bases e os prazos que rexen estas subvencións son os mesmos para todos os Concellos”, precisan.
“É dicir, ou ben os nosos alcaldes non se enteran ou o que lles falta son gañas de traballar, sobre todo, indican, cando se demostrou que o Goberno galego non excluíu a ningún municipio”.
“Máis dignidade política”
Por este motivo, Juan José Fraga, José Manuel Lamela e Antonio Bouza pídenlle aos respectivos alcaldes “que se deixen de enredar e que teñan algo máis de dignidade política”. E é que, apuntan, “saír na prensa intentando xustificar a súa vagancia e inoperancia na xestión, é un insulto a todas as persoas que están no paro e, que pola súa deixadez, non poden optar aos contratos que ofrece a administración autonómica ao abeiro desta iniciativa”.
“Claramente se demostra que existe un desentendemento dos nosos gobernos, o que provocou que os veciños de Alfoz, O Valadouro e Viveiro perdesen a oportunidade de ter formación e un contrato laboral durante como mínimo 9 meses”. Neste senso, subliñan, “poden escudarse no que sexa, pero todo o que digan carece de valor, pois a situación sería ben diferente se houbesen traballado en tempo e forma como o fixeron outros alcaldes da Mariña”. Por motivo, lamentan, “constatar que temos uns alcaldes que non sabemos moi ben a que se dedican. Dende logo a preocuparse polos seus veciños, non”, insisten.
“Decepción para os beneficiarios”
Juan José Fraga, Lamela e Antonio Bouza cren que “isto supón unha decepción para os posibles beneficiarios destes programas”. No caso do Concello de Alfoz, segundo explican, “poderíase ter cursado unha solicitude conxunta con outros dous concellos limítrofes, como o de O Valadouro, que beneficiaría a unha vintena de persoas no paro”; xa que “as únicas condicións establecidas na convocatoria son as de que o Concello conte cun total de persoas desempregadas superior ás 500 ou que se asocien tres concellos limítrofes para a súa solicitude”. E, no caso de Viveiro, é porque a alcaldesa non o solicitou “sen máis”, ao igual que fixo en 2017.
“É moi grave que unha entidade local perda unha axuda da Xunta polo simple feito de non tela solicitado cando é a administración autonómica a que sufraga integramente o custe deste tipo de programas. Realmente non o podemos entender”, conclúen.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
