Santiago de Compostela, 20 de setembro de 18. A portavoz de Pesca do Grupo Socialista, Loli Toja, criticou hoxe o veto do PP a unha proposición do Grupo Socialista para recuperar o seguro de accidentes no mar e o seguro de mal tempo. Así o dixo durante o debate desta proposición non de Lei, que tivo lugar hoxe na Comisión de Pesca do Parlamento.
Toja tildou de “irresponsable” este veto do PP para recuperar as dúas pólizas anuladas polo goberno de Feijóo, e que instou a “recuperar e promover para facer política preventiva na sinistralidade de accidentes no mar”.
Advertiu que “se teñen rpcarizado as condicións de traballo, e suprimido as medidas de carácter social, como as pólizas de seguros de accidente e de mal tempo no mar, unha ferramenta indispensable para o sector, que precisa de garantir ingresos mínimos cando non poden saír a faenar”.
Os socialistas tamén reclamaron hoxe a derrogación do decreto que fixa os prezos a pagar pola prestación de asistencia polos servizos de gardacostas, por canto a empresa adxudicataria enfróntase á prohibición para contratar ao estar condenada pola Audiencia Nacional por realizar “negocios xurídicos simulados para defraudar á facenda pública”.
A parlamentaria socialista urxiu hoxe á Xunta que analice se, con motivo desta sentenza, “algún dos contratos –de salvamento- poida incorrer en supostos de nulidade e se se aprecian polos órganos de contratación circunstancias de prohibición para contratar que afectan a este grupo empresarial”.
Plan de emprego
A parlamentaria socialista lamentou hoxe o veto do PP a unha proposición non de Lei do Grupo Socialista para reclamar un plan de choque para impulsar o emprego no sector marítimo galego. Lembrou que dende a chegada de Feijóo á Xunta, Galicia pasou de 23.800 a 14.200 persoas ocupadas no mar, 10.000 persoas menos en 9 anos que evidencian “unha auténtica caída libre”.
Apuntou que “temos o número máis baixo de persoas ocupadas no mar dende que hai datos dispoñibles” mentres a Xunta leva “9 anos mirando para outro lado e abandonando ao sector ao seu esmorecemento”. Puxo como exemplo que no ano 2017 tan só executaran o 37 por cento do programa de competitividade e mellora da calidade da produción pesqueira e da acuicultura.
Sinalou que o goberno galego “incomprensiblemente deixou 6 de cada 10 euros no caixón dun programa fundamental para o impulso do sector do mar, que rexistra o valor máis baixo dende que hai rexistros da Enquisa de Poboación Activa”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
