BURELA (FNC) .- O alcalde de Burela, Alfredo Llano, anuncia que será a Deputación Provincial de Lugo a encargada de reparar a ponte do Perdouro. Varios técnicos da institución, entre os que se atopan un arquitecto e un enxeñeiro de Camiños, visitaron hoxe a zona e comprometéronse a acometer os arranxos o antes posible. Alfredo Llano explicou que “a ponte, que é responsabilidade municipal, foi visitada por técnicos da Deputación que estiveron avaliando os danos que sufriu por mor das intensas chuvias caídas hai unhas semanas. Será a Deputación a que faga os traballos de mellora e Augas de Galicia encargarase de limpar o caudal do río do Matos. As dúas intervencións compleméntanse e así axilizamos todo un pouco máis”.
Os técnicos da Deputación tamén cursaron visita acompañados do rexedor á zona de A Marosa-A Casilla para analizar a posibilidade de retomar unhas obras de canalización que quedaron paradas hai uns anos. Llano sinalou que “se trata dunha canalización que vai desde A Marosa ata A Casilla, alí hai que poñer en marcha unha caseta de bombeo de augas residuais e van analizar si é necesario canalizar tamén cable para esa estación. É un proxecto que quedou paralizado hai anos e que nós agora queremos retomar e complementar con outro do POS que suporía a construcción de aceras e a instalación de alumeado público a nese tramo. A Deputación quere ter listo ese proxecto de canalización para finais de febreiro”.
Estado da auga
O alcalde de Burela tamén se referiu ao estado da auga da traída e ás últimas críticas verquidas desde o grupo municipal popular. Alfredo Llano manifestou que “as intensas chuvias destas semanas ocasionaron que nalgunha ocasión algúns puntos de Burela recibiran a auga algo turbia, pero sempre foi potable porque así o confirmaban todas as analíticas realizadas. Hai situacións que ás veces son inevitables, chove moito a auga vai moi revolta nos ríos e nos encoros e pode chegar turbia aos fogares. Agora a situación está normalizada, pero insisto en que auga sempre foi potable”.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
