Santiago de Compostela, 04 de outubro de 18. A portavoz de Pesca do Grupo Socialista, Loli Toja, denunciou hoxe o “abandono” da Xunta diante da “caída libre” rexistrada no emprego do sector pesqueiro. Toja presentou unha pregunta oral en Comisión para esixir “medidas concretas e calendarizadas, recursos e execución” para recuperar un sector fundamental para a economía galega.
A responsable socialista acusou á Xunta de “mirar para outro lado” e deixar sen executar os investimentos da Consellería de Pesca, que achaca a situación a “un problema demográfico” mentres o sector “esmorece”. Toja lembrou que en 2017 só executaron o 37 por cento do programa de Competitividade e mellora da calidade da produción pesqueira e da acuicultura, e no primeiro semestre de 2018 só gastaron o 12 por cento.
Toja acusou ao goberno galego de ter reducido as axudas para xóvenes pescadores dende os 500.000 euros de 2017 aos 315.000 orzamentados neste ano, así comio as de formación, que pasaron de 800.000 a 435.000, as de saúde e seguridade diminuíron de 900.000 a 335.000 e os investimentos a bordo e eficiencia enerxética pasaron de 1,3 millóns a 248.000 euros.
Lamenta que o PP “fai moito tempo que abandonou ao sector” e reclamoulles que “poñan un pouco as pilas, tómense en serio esta cuestión, deixen de aparentar que lles importa o sector e fagan nus orzamentos que permitan recuperar os niveis de emprego no mar”. Sinalou que das 23.800 persoas ocupadas no mar en 2009 só quedan 14.200, 10.000 persoas menos en nove anos e “máis de 1.000 ocupados e ocupadas menos cada ano”.
Desatención
Toja presentou tamén unha pregunta oral na que sinalou o “enfado” do sector diante do “abandono” do goberno galego logo da redución da cota da pescada nun 60 por cento, logo de que a Xunta fixera caso omiso das súas peticións dun encontro para poder establecer axudas á paralización. A Xunta, dixo, negouse a solicitar as axudas europeas que lle pedía o sector, unhas axudas que outras comunidades como Andalucía acaban de convocar.
A responsable socialista acusou á Consellería de Pesca de deixar á súa Dirección Xeral sen persoal durante os meses de verán, provocando “o deterioro do servizo recibido como consecuencia da non cobertura do persoal de vacacións”.
“Non quedou xente practicamente nin para coller o teléfono”, resumiu Toja, para explicar as dificultades provocadas por unha ausencia que “provocou dificultades na expedición de licencias e cambios de modalidade, así como a imposibilidade de falar con algún responsable ante calquera incidente”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
