Burela,5 de outubro de 2018. Burela participará o próximo mércores, 10 de outubro, nunha reunión do proxecto Aquamundam, do que forma parte xunto aos Concellos galegos de Noia, Ames e Soutomaior. Este programa europeo, no que tamén están presentes Castela-León e o Norte de Portugal, busca mellorar a xestión do ciclo integral da auga.
O alcalde, Alfredo Llano, anunciou que “o próximo mércores, día 10, temos unha cita en Santiago, en Augas de Galicia, porque fomos un dos concellos que está seleccionado polo proxecto Aquamundam. Trátase dun proxecto europeo que ten relación coa auga e co medio ambiente. Os catro Concellos que imos asistir ese día somos Burela, Noia, Ames e Soutomaior”.
O rexedor explicou que “este proxecto Aquamundam é de ámbito europeo e está financiado por Fondos Feder. Trátase da protección ambiental a través da mellora da xestión do ciclo integral da auga. Ademais prevé fomentar o uso racional dos recursos mediante o desenvolvemento de metodoloxías e tecnoloxía para que sexa moito máis eficaz e estar pendentes sempre de que a auga, tanto no abastecemento como na depuración, teña unha boa calidade e que se depure ben. Este proxecto aféctalle a Galicia, Castela-León e o Norte de Portugal. Somos en total doce concellos para os que é unha gran oportunidade para poder participar neste programa”.
Llano dixo: “hai que ter en conta que aquí estamos agardando a construción dunha nova Edar, polo tanto é bo saber as melloras que podemos conseguir a través deste proxecto. Así que o próximo mércores imos xuntarnos en Augas de Galicia, e facer unha diagnose para mellorar a xestión do ciclo integral da auga”.
- A A.C. Pomba do Arco organiza o vindeiro xoves 13 de agosto, ás 20:30 horas, un acto público no salón de actos do Cenima de Foz dedicado á memoria da emigración mariñá
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade. - Seis pintores do Valadouro é a nova publicación do SEVA, un caderno dedicado á obra de seis artistas plásticos: Carmen Ossorio, Xosé Blanco, Arturo Mogo, Hipólito Xeada, Alaxe e Mar Vicente
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro. - Éxito de participación nas escolas deportivas de verán do Concello de Ribadeo
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”. - A conselleira de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, mantivo este mércores unha reunión de traballo co alcalde de Xove, Demetrio Salgueiro
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica. - En Cervo Concilia xa están en Modo Maruxaina ON
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración. - Con motivo da celebración da Festa da Xuventude de Viveiro, será necesario realizar un corte temporal ao tráfico na Travesía da Mariña, entre a Praza de Lugo e a Porta de Carlos V
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición. - San Miguel de Reinante, en Barreiros, encherase de música, cor e tradición este sábado, 8 de agosto, co XLIII Festival Folclórico Internacional do Emigrante, declarado Festa de Interese Turístico
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
2021 Crónica 3 A Mariña - Implementado por GaliciaDigital