Viveiro a 6 de outubro de 2018. O BNG de Viveiro mantivo este sábado unha xuntanza co Presidente de San Lázaro 18 para escoitar de primeira man ás reivindicacións da veciñanza..
“Veciñas e veciños mostraron a súa inquedanza pola ausencia de medidas de seguridade na recta de San Lázaro reclamadas a Concello e Xunta”, afirman.
A veciñanza lembroulles os accidentes acontecidos por exceso de velocidade nos anos 2015, 2016 e 2017 acreditados con atestados policiais e causan danos materiais contra vehículos aparcados e contra os contedores de lixo.
Transmitíronlles que non se acometerán medidas algunhas neste treito, “algo inadmisible e que ven a confirmar o desleixo da Alcaldía e da Xunta para coas veciñas e veciños”, manifestan.
SEGURIDADE PARA EVITAR RISCOS E ACCIDENTES.
A veciñanza transmitiulles ao BNG de Viveiro as medidas solicitadas para garantir a seguridade e non ter que lamentar danos persoais.
” Transmitíronnos a necesidade dun novo firme na estrada, de dispositivos reductores da velocidade co obxectivo de reducir as velocidades excesivas que se rexistran nesta vía, pasos peonís (inexistentes) e beirarrúas nos dous lados”, sinala a fronte nacionalista.
O BNG de Viveiro agarda que se escoite á veciñanza e que se tomen medidas neste tramo abandonado tanto pola Alcaldesa Maria Loureiro como pola Xunta do PP. Medidas quen levan reclamando dende hai anos cos escritos rexistrados e así non ter que lamentar non só máis danos materiais senón danos físicos as persoas e crianzas que viven en San Lázaro 14,16 e 18.
Asemade transmitíronlles que non queren ser veciños de segunda e que estan fartos de pagar impostos e ser ignorados por todas as administracións.
Dende o BNG ” respaldamos as xustas demandas da veciñanza e que é o momento, aproveitando as obras no Pirixel, para acometer estas medidas de seguridade e non ter que lamentar desgrazas persoais e lamentamos o oportunismo electoral da Alcaldesa Maria Loureiro e PP sacándose a foto diante das vivendas sabendo que esa estrada non se ía arranxar”, conclúen
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
