Burela 6-10-18. Os de Juanma Marrube regresan esta noite da xornada 4 de Segunda encadeando a súa segunda vitoria, a primeira a domicilio, nun duelo espectacular de defensas que inclinou Juanfran para a balanza dos laranxas a falta de dous minutos para o final, de estratexia.
O primeiro período transcorreu con poucas ocasións en ambas as filas, con máis traballo para a meta local que para Edu. Os galegos perdoaron demasiado en situacións dun contra o porteiro e nun par de transicións rápidas. Tal e como esperaba, o Pescados Rubén Burela tivo que ofrecer a súa mellor versión sendo fiel aos seus sinais de identidade mostrándose moi sólido ante un rival compacto. Juanfran brindou a posibilidade de pelexar polos tres puntos no minuto 38, a saque de esquina de Renato. Os locais foron polo partido acto seguido con David como porteiro-xogador; só Txema creou perigo sobre a meta de Edu, con boa reacción do naronés, que conseguiu pechar a cita con portería a cero.
Ficha técnica
Bisontes Castellón FS: Nacho, David, Pipi, Juanito, Lluc, cinco inicial; tamén xogaron Diego, Txema, Genís, Lorca
Pescados Rubén Burela FS: Edu, Renato, Pope, R. Vargas, Hélder, cinco inicial; tamén xogaron Lucho, Juanfran, Pitero, Luisma, Porto
Goles: 0-1, minuto 38, Juanfran
Árbitros: García Ribeira // Simón Benet (Colexio Catalán). Por Castellón amarela para David
Incidencias: Partido correspondente á xornada 4 de Segunda LNFS disputado no Ciudad de Castellón
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
