Burela, a 10 de outubro de 2018.- O Grupo Municipal Popular burelés manifestou hoxe que “o alcalde mentiu o once de agosto cando dixo que o novo pavillón custaría ‘entre catro e cinco millóns de euros’ (só é preciso remitirse ás hemerotecas para comprobalo) e tamén mentiu no pleno ordinario do pasado 27 de setembro sobre este asunto cando reiterou ese custo para o novo pavillón”.
A este respecto, os populares din que “o alcalde debe pensar que somos parvos e que non sabemos ler nin facer contas. Pero o certo é que o alcalde está ocultando á cidadanía o custo real do pretendido novo pavillón, que ascendería a 9.630.019’33 euros, o que de por si é unha forma de actuar miserable e rastreira. Polo tanto, resulta patético que o alcalde oculte datos que constan na memoria que el mesmo encargou”, aseguran.
Desde o Grupo Municipal Popular indican que “o alcalde non computa os impostos aos que está suxeita calquera obra promovida por unha administración pública, impostos que hai que pagar e que paga a administración que fai a obra. Ademais, no importe que dá o alcalde non se inclúen os honorarios de redacción de proxecto básico e proxecto de execución, dirección de obra, etc., que tamén hai que pagar e que paga a administración contratante, neste caso, o Concello. E tampouco fala do custo da adquisición dos terreos necesarios para a construción do novo pavillón, porque os terreos teñen dono, ninguén os regala, e quen ten que pagar é o Concello”.
En definitiva, “o alcalde tenta meternos un gol aos cidadáns de Burela porque o importe total do pretendido novo pavillón acércase moito aos dez millóns de euros”, tendo en conta a memoria que o alcalde deixou enriba dunha mesa dunha funcionaria da Secretaría Xeral para o Deporte o pasado mes de agosto.
EDIFICIO…………………………………………………………………………………5.525.000’00€
URBANIZACIÓN……………………………………………………………………600.000’00€
TOTAL PRESUPUESTO DE EJECUCIÓN MATERIAL……………………6.125.000’00€
13% GASTOS GENERALES………………796.250’00€
6% BENEFICIOS INDUSTRIALES……367.500’00€
TOTAL PRESUPUESTO DE EJECUCIÓN DE CONTRATA……………7.288.750’00€
21% IVA…………………………………………1.530.637’50€
TOTAL PRESUPUESTO IVA INCLUIDO…………………………………8.819.387’50€
HONORARIOS TÉCNICOS
PROYECTO BÁSICO………………………………………………………………105.840’00€
PROYECTO DE EJECUCIÓN……………………………………………………121.520’00€
DIRECCIÓN OBRA ARQUITECTO…………………………………………95.040’00€
DIRECCIÓN OBRA ARQUITECTO TÉCNICO……………………………95.040’00€
SEGURIDAD Y SALUD…………………………………………………………20.800’00€
TOTAL HONORARIOS…………………………………………………………438.240’00€
21% IVA………………………………………92.030’40€
TOTAL PRESUPUESTO HONORARIOS IVA INCLUIDO……………530.270’40€
INVERSIÓN TOTAL: CONSTRUCCIÓN + HONORARIOS…………9.349.657’90€
Os populares indican que “a cousa non remata nestes 9.349.657’90 euros, cifra xa elevada en si mesma, xa que o alcalde esquece intencionadamente o importe dos terreos que hai que mercar para facer o suposto novo pavillón. O informe elaborado pola arquitecta municipal, con prezos que tentan favorecer ao Concello e, polo tanto, que tiran á baixa, cifra o importe dos catro solares a mercar polo Concello en 280.361’43 euros. Polo tanto, o importe total da obra sería de 9.630.019’33 euros. Unha cifra mareante en si mesma”.
Para o Grupo Municipal Popular “está claro que se desde principios de xuño o alcalde só foi capaz de elaborar un informe de taxación de fincas, xa pode ir acelerando o ritmo se quere facer a obra, e xa pode cargarse de argumentos para que as administracións que poden axudar, á vista dos números que se manexan, lle axuden. En todo caso, que o alcalde oculte todos estes números e teña que ser o PP quen os faga públicos para que a cidadanía de Burela saiba o custo real do pretendido novo pavillón, define bastante ben a quen nos goberna. O alcalde non di unha verdade nin cando está de broma”, conclúe.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
