Lugo. 30 de outubro, 2018. O Grupo Provincial do PP consegue no Pleno, cos votos a favor , que a Deputación de Lugo inste ao Goberno do Estado a que renuncie ao gravame sobre o diésel cando menos ata que se produza unha transición ordenada de tecnoloxías tendo en conta o impacto negativo que ten sobre o emprego e sobre as clases medias e colectivos máis vulnerables. É que “nesta medida do Goberno socialista hai moita ideoloxía e pouca ecoloxía”, segundo din os populares lucenses que consideran que “a loita contra o cambio climático non se pode facer de forma improvisada porque, deste xeito, pagarana os máis débiles”.
Neste sentido, propoñen ao Goberno do Estado que só cando finalice ese período de transición, no caso de que persista na intención de subir o imposto do diésel, se garanta que queden excluídos do mesmo todos os autónomos e profesionais, sen discriminación a ningún sector, así como todos os colectivos vulnerables.
Os populares explican que España, cunha produción próxima aos 3 millóns de vehículos, é o segundo fabricante de automóbiles de Europa e oitavo do mundo, cun impacto moi importante para a nosa economía, xa que representa o 8,6% do PIB e, sobre todo, na creación de emprego, xa que é responsable do 9% do emprego total, de forma directa e indirecta en toda a cadea de valor.
Pola súa banda, Galicia produce máis de 400.000 vehículos ao ano e conta coa segunda factoría máis produtiva de España.
En Lugo o impacto é aínda maior
En Galicia o 85% do consumo de combustible de automoción é diésel (datos oficiais xaneiro-agosto 2018), pero en Lugo o impacto é aínda maior: máis do 88% do consumo de combustible na provincia é diésel. Por iso desde Galicia e desde Lugo opoñémonos con máis forza a este ‘dieselazo’ porque o impacto na nosa terra é maior que no conxunto de España, onde o consumo do diésel representa o 82%.
Un exercicio de irresponsabilidade
Tendo en conta que o 42% dos vehículos fabricados no noso país son diésel (en Galicia, representa o 75% da produción de vehículos), parécenos unha irresponsabilidade que o Goberno socialista emprendera unha guerra contra esta tecnoloxía, cuxo máximo expoñente foron as declaracións da Ministra de Transición Ecolóxica sinalando que “o diésel ten os días contados”.
“Non entendemos que se poña en risco o futuro de 40.000 traballadores e 17 fábricas no conxunto de España, e de máis de 6.000 traballadores e da planta de produción de vehículos en Galicia, que se manteñen grazas á produción de vehículos diésel, ademais de todo o emprego xerado na industria auxiliar”, precisan.
Compartindo da necesidade de reducir as emisións e cumprir con compromisos internacionais, desde o PP cren que o foco hai que poñelo nos vehículos máis contaminantes, e estes non sempre son os vehículos diésel. Un vehículo diésel moderno, que cumpre coa normativa Euro 6, é menos nocivo e contaminante que un vehículo de gasolina equivalente, e moito menos que calquera vehículo de gasolina con máis de 10 anos de antigüidade.
“Non se pode, polo tanto, demonizar unha tecnoloxía que é tan importante para o noso país desde o punto de vista produtivo, poñendo en risco miles de empregos. Calquera cambio hai que facelo de forma gradual e ofrecendo alternativas”, aseguran.
Ánimo meramente recadador
Os populares consideran que a suba do imposto ao diésel ten un ánimo meramente recadador, posto que está demostrado que non produce un cambio no consumo enerxético e afecta directamente ás familias, autónomos e pemes.
En España hai 17 millóns de propietarios de vehículos diésel (en Galicia 200.000), incluídos os 600.000 que compraron o seu coche diésel en 2017 sen saber “que o diésel ten os días contados”. Un uso razoable de 20.000 quilómetros ao ano, cun consumo medio de 6 litros e 10 céntimos de subida por litro, supón un pago extra de 120 euros ao ano. A elo hai que engadirlle os miles de fogares españois, especialmente de zonas rurais e illadas, que utilizan sistemas de calefacción que utilizan gasóleo como combustible e que verán incrementada a súa factura os meses de inverno 36-38 euros.
Adicionalmente, hai máis dun millón de agricultores cuxa maquinaria está movida por este tipo de combustible: 62.000 colleitadoras, 280.000 motomáquinas e 1.100.000 tractores, entre outras.
Ademais, segundo a Asociación de Traballadores Autónomos (ATA) máis de 200.000 autónomos traballan grazas aos seus coches ou furgonetas de tracción diésel. Entre eles, hai nada menos que 40.000 taxistas e 20.000 repartidores. Pero tamén hai 25.000 axentes comerciais e miles de condutores de ambulancias, axentes de seguros, floristerías, traballadores da construción, empresas de movementos de terras e un largo etcétera de profesionais que requiren o uso do seu vehículo como unha ferramenta imprescindible para o seu traballo.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
