Burela, 31 de outubro de 2018.- A Consellería de Cultura e Turismo, a través de Turismo de Galicia, vén de achegar 6.200 euros para promover a posta en marcha e sinalización da ruta circular en Burela. Trátase dun ambicioso proxecto, cun percorrido de 16,25 km de lonxitude, que une os principais atractivos turísticos deste municipio.
O delegado territorial da Xunta en Lugo, José Manuel Balseiro, explicou que este apoio autonómico está articulado a través dun convenio de colaboración asinado co Concello de Burela de tal xeito que a administración autonómica achegará o 65% do custe total desta actuación.
A axuda permitirá crear, subministrar e colocar distintos postes indicativos e paneis coa información desta ruta para que afeccionados ao sendeirismo, veciñanza e visitantes podan coñecer en todo momento o percorrido e as zonas de interese paisaxístico, histórico ou arquitectónico polas que discorre.
Os postes serán de madeira tratada, e buscarán causar o menor impacto visual posible, colocándose sen interromper o transito existente. As placas indicativas de dirección, serán impresas sobre aluminio coas máximas garantías e durabilidade.
A ruta circular percorre case unha trintena de puntos de interese entre os que se atopan as principais praias (Penoural, Portelo, Cabaliño, Marosa, Ril, O Cantiño), os paseos marítimos máis importantes (Marosa e O Cantiño), espazos de interese paisaxístico (como o miradoiro do Monte Castelo ou soutos de castiñeiros), elementos patrimoniais (hórreos, fontes, monumento ao mancomuneiro), elementos relixiosos (igrexa de Vila do Medio, capela do Monte Castelo) ou de interese xeolóxico (como a rasa cantábrica e o batolito de San Cibrao), sen esquecer outros espazos como o porto e lonxa ou os estaleiros.
A ruta circular, ten o seu punto de inicio diante da praia de Penoural e moitos dos espazos que percorre xa forman parte das rutas habituais empregadas polos amantes do deporte, para camiñar, para correr ou, por grupos de sendeirismo, xa que logo discorre na maior parte dos treitos sen grandes desniveis e presenta unha dificultade baixa.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.