Ribadeo, 7 de novembro de 2018. O Concello de Ribadeo porá en marcha no mes de decembro varias accións formativas dirixidas a persoas desempregadas, financiadas pola Consellería de Economía, Emprego e Industria.
Segundo explican desde a Área de Desenvolvemento Local “as accións formativas a desenvolver son as de Competencia matemática Nivel 2, Comunicación en lingua castelá Nivel 2 e Comunicación en lingua galega Nivel 2. Estas Competencias Clave son necesarias para aquelas persoas que non conten cos requisitos formativos para acceder aos cursos de formación con Certificado de Profesionalidade de Nivel 2, como poden ser os relacionados co coidado de persoas, tanto en domicilios como en institucións, emerxencias sanitarias, socorrismo, obradoiros de emprego, etc”.
E subliñan que “para poder acceder a esta formación é necesario atoparse inscrito/a como demandante de emprego na Oficina de Emprego, e manifestar o interese en participar nestas accións formativas”.
Os cursos son totalmente gratuítos, e contan cunha axuda económica para o desprazamento. Ademais, e dependendo da situación económica e familiar, o alumnado poderá solicitar unha bolsa pola asistencia ao curso.
Para máis información, as persoas interesadas poden dirixirse ao Servizo de Orientación Laboral do Concello de Ribadeo, tanto de xeito presencial coma a través do teléfono 982 128 650.
O Concello de Ribadeo porá en marcha no mes de decembro varias accións formativas dirixidas a persoas desempregadas, financiadas pola Consellería de Economía, Emprego e Industria
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
