Burela, a 7 de novembro de 2018.- O presidente da xestora do PP burelés, Manuel Rouco, anunciou hoxe que o Grupo Municipal Popular de Burela presentará unha moción para que o pleno da corporación municipal burelesa “inste ao Ministerio de Fomento a que mellore e adecúe a sinalización tanto de Burela coma do Hospital da Mariña” atendendo a “unha reivindicación dos veciños e veciñas da vila que se achegaron a nós nas diferentes visitas polos diversos barrios de Burela”.
Rouco asegura que “é perfectamente factible esta mellora tanto na A-8 coma na N-642” porque “a sinalización relativa ao Hospital da Mariña na A-8 é deficiente cando o centro sanitario está a pouco máis de quince quilómetros desde a saída da Espiñeira e, aínda que mellora na N-642, aínda pode ser mellor”.
No que respecta á sinalización do propio municipio de Burela, Manuel Rouco afirma que, segundo a normativa, a súa distancia coa A-8 permite mellorar a sinalización e, igualmente, as indicacións na N-642 ás veces non son suficientemente claras”.
Aportación da Xunta para a sinalización da Ruta Circular
O presidente da xestora do PP burelés valorou positivamente a aportación de 6.200 euros da Xunta de Galicia para a sinalización da denominada “Ruta Circular” que unirá os principais atractivos turísticos que ten o concello. A axuda representa o 65% do presuposto total da actuación que consiste na creación e subministro de postes e paneis informativos sobre esta ruta de sendeirismo.
Rouco destacou que “esta non é a primeira subvención da Xunta para o desenvolvemento turístico de Burela. Non hai moito, a Xunta tamén outorgou unha importante subvención para a mellora dos aparcadoiros da praia de A Marosa”.
Así mesmo, asegurou que “é lamentable que o alcalde silencie as aportacións da Xunta ao concello de Burela, o que significa privar á cidadanía da información precisa de quen aporta os cartos e para que. Falta a primeira vez que recoñeza e valore tales aportacións que se debe considerar coma unha falta absoluta de respecto institucional”.
O Grupo Municipal Popular de Burela presentará unha moción para instar a Fomento a mellorar a sinalización de Burela e o Hospital da Mariña na A-8 e na N-642
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O programa Nnabata atende 139 persoas migrantes en Burela no marco do proceso de regularización
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
