Santiago, 29 de novembro de 2018.- A deputada do Grupo Popular Julia Rodríguez demandou hoxe no Parlamento que a Xunta estude implantar novas medidas de reforzo da seguridade na rotonda de Beltrán no concello de Xove, no enlace da vía de alta capacidade CG-2.3 coa estrada LU-862. Así mesmo, demándase que o Goberno do Estado axilice a redacción dos proxectos e a execución das obras da A-74, “de xeito que se dea continuidade ao treito Celeiro-San Cibrao da VAC Costa Norte e minimizará o tráfico na rotonda de Beltrán”.
Julia Rodríguez lamentou que os socialistas galegos rexeitaran a proposta do Grupo Popular, “amosando o seu nulo interese por mellorar a seguridade neste punto, tanto de vehículos como das persoas, xa que ademais de pedir ao Goberno galego que analice as medidas necesarias para optimizar o tráfico neste punto tamén é necesario que o seu Goberno amigo en Madrid avance na execución das obras da A-74 que repercutirán positivamente no tráfico que pasa por esta rotonda”.
MEDIDAS XA INSTALADAS EN AGOSTO DE 2017
Porén, a deputada popular recoñeceu que “cando se producen cambios, e mentres os usuarios non se acostuman á nova ordenación da circulación, poden producirse incidencias”, pero “non é certo que non se lle teña dado resposta ás peticións dos veciños”. Neste sentido, lembrou que a Xunta xa instalou en agosto de 2017, co asesoramento da Garda Civil de Tráfico, redutores de velocidade e reforzou a sinalización, tanto vertical como horizontal, para advertir da existencia da glorieta e da limitación da velocidade.
“Non obstante, e no afán de mellorar a seguridade viaria neste punto, consideramos necesario que a Xunta estude a conveniencia de implantar máis medidas de reforzo de acordo cos requisitos esixidos na normativa de seguridade viaria”, sinalou Julia Rodríguez.
PERDA DE TRÁFICO COA APERTURA DA A-74
Ademais, manifestou que “a glorieta de Beltrán parte dun enlace provisional que previsiblemente perderá a maior parte do seu tráfico cando o Goberno central execute e poña en servizo a autovía da Mariña A-74, que enlaza directamente co treito Celeiro-San Cibrao da vía de altas prestacións Costa Norte”.
“Por este motivo, tamén demandamos que o Goberno do Estado axilice a redacción dos proxectos e a execución das obras da A-74, cuestión que os socialistas galegos non comparten para non comprometer neste momento ao Goberno de Pedro Sánchez”, sinalou.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
