BURELA .- A Plataforma Sanitaria da Mariña anunciou que poñerá en marcha un servizo de autobuses para todas aquelas persoas que queiran acudir a manifestación do vindeiro sábado 26 de Xullo con saída ás 12:00 h do Hospital da Costa. Segundo se anunciou desde a Plataforma os motivos que levou ao colectivo a tomar esta decisión ten a ver co interese de multitude de persoas, particularmente maiores e que carecen de transporte propio, que ao longo destes días se puxeron en contacto con nós e que non tiñan xeito de acudir a mobilización por medios propios. As persoas interesadas en asistir en autobús a manifestación deben anotarse previamente nos teléfonos 982-581861, 982-561001 e 982 129-161 estando previsto a esta altura que haxa autobuses desde todos os Concellos da Mariña.
Os parlamentares da Mariña do PP perderon a ocasión de falar con claridade á cidadanía desta comarca e apoiar as súas demandas.
Na mesma liña os representantes da Plataforma que onte acudiron a Compostela a seguir en vivo no Pleno do Parlamento o debate dunha iniciativa na que se solicitaba o mantemento da Área Sanitaria da Costa así como a posta en marcha e a conseguinte dotación orzamentaria do Plano Estratéxico do Hospital, lamentaron profundamente a posición mantida polo PP en relación coa súa iniciativa sobre a que se manifestaron en contra. Os membros da Plataforma non entenden como a Xunta de Galiza renuncia a asumir compromisos claros en defensa da sanidade e como os representantes do PP se negan a reivindicar para a comarca cuestións tan básicas coma a ampliación real do Hospital da Costa en número de camas, implantación da Unidade de Oncoloxía, ampliación de Hemodiálise, pleno funcionamento da Consulta Maior Ambulatoria, unha Resonancia Magnética fixa, a hospitalización a domicilio, a posta en funcionamento dos servizos de tarde, os aumentos do cadro de persoal e por suposto o reforzo e mantemento de tódolos servizos e unidades existentes tanto de Atención Primaria como de Especializada. Na mesma liña acusaron aos parlamentar da Mariña do Partido Popular, José Manuel Balseiro de traizoar os intereses da cidadanía mariñá e supeditalos aos intereses de partido.
A Plataforma chama a unha mobilización masiva para evitar unha volta atrás nos servizos sanitarios na comarca.
A Plataforma Sanitaria quere aproveitar esta comunicación pública para animar a toda a cidadanía da Mariña a manifestarse o vindeiro sábado dende a certeza que só a mobilización social vai facer posíbel que a sanidade siga a ser unha realidade na mariña e que os avanzos que se teñen dado nesta materia, non se convertan en retrocesos que nos leven 25 anos atrás. Neste sentido queremos recordar que a creación do Hospital da Costa como resposta ás mobilizacións que viviu A Mariña aos finais dos setenta e a posterior posta en marcha do mapa sanitario de Galicia, que deu orixe á creación da Área Sanitaria da Mariña, significou unha mellora substancial da atención sanitaria da Comarca. Non é logo tolerábel, que dun plumazo pretendan remar con todo isto.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
