NOTA DE PRENSA
O BNG INSTA AO GOBERNO GALEGO A NEGOCIAR CO PROMOTOR CON LICENZAS DE CONSTRUCIÓN NA ZONA UNHA SOLUCIÓN QUE PROTEXA O XACEMENTO ARQUEOLÓXICO DA ATALAIA
Informes técnicos recomendan á Comisión Provincial de Patrimonio a conservación do castro da Atalaia in situ o que fai incompatíbel a execución dos proxectos de construción previstos para a zona
Os informes poñen de relevancia o alto valor histórico e cultural o que lle confire gran importancia para coñecer a historia da Mariña Luguesa
O BNG levará a pleno a continuación de escavacións arqueolóxicas en terreos públicos de Portos do Estado
Cervo, 4 de xuño de 2010. A Comisión Provincial de Patrimonio reunida o pasado 27 de maio emitiu ditame de acordo amparada en informes técnicos valorativos das escavacións arqueolóxicas en área de dous expedentes correspondentes a sendas parcelas onde se proxecta a construción de dous edificios para 32 e 26 vivendas no Castro da Atalaia. De acordo con este ditame a importancia histórica e patrimonial do xacemento confírenlle un especial valor para coñecer a historia da Mariña Luguesa polo que recomendan a conservación in situ do xacemento tal como xa tiña determinado a anterior Dirección Xeral de Patrimonio polo que esta conservación e incompatíbel cos dous proxectos arquitectónicos con licenza municipal previstos para a zona o estaba prevista a construción de 58 vivendas. O BNG agarda unha resolución definitiva que preserve o xacemento para o que será necesario chegar a acordos co promotor e instará ao pleno a solicitar a Costas actuacións en terreos públicos.
Novos informes avalan a intención da anterior Dirección Xeral de Patrimonio de conservar in situ o xacemento arqueolóxico de Punta Atalaia
Novos informes arqueolóxicos avalan as intencións da Dirección Xeral de Patrimonio do anterior goberno galego de conservar in situ o xacemento arqueolóxico de Punta Atalaia, as recomendacións emitidas por técnicos de patrimonio levaron o pasado 27 de maio á Comisión Provincial de Patrimonio a emitir un ditame no que se acorda a “informar a favor da conservación in situ dos vestixios arqueolóxicos e considerar que os proxectos arquitectónicos con licenza municipal son incompatíbeis con esta conservación”. Os dous informes referidos á escavación arqueolóxica e área de dous predios nos que un promotor ten licenza municipal para a construción de 32 e 26 vivendas deixan clara a importancia do Castro da Atalaia como ben histórico e cultural de primeira magnitude “atribuíndolle unha especial relevancia para o coñecemento da historia da Mariña Luguesa”
O acordo da Comisión Provincial de Patrimonio obriga a negociar de inmediato co promotor solucións que permitan a conservación e posta en valor do xacemento
O BNG entende que este ditame obriga ao goberno galego a negociar de inmediato co promotor, que ten concedidas dúas licenzas municipais de construción na zona, unha solución que dea protección ao xacemento e permita a súa conservación e posta en valor. Os nacionalistas lembran que “as ordes de paralización das obras de construción están xa caducadas e non se emitiron novas ordes polo que o promotor podería facer valer os seus dereitos”. Neste sentido o portavoz municipal nacionalista, Xoán Estúa, lembrou que si o goberno local houbera actuado no seu día con responsabilidade non teríamos hoxe este problema xa que coñecían perfectamente a existencia de restos arqueolóxicos na zona antes de conceder as licenzas xa que así viña recollido no avance do PXOM”. Estúa engadiu que outro dos predios que tamén contiñan importantes vestixios arqueolóxicos, “non puido salvarse da destrución polo incumprimento do goberno local durante días dunha orde de paralización emitida pola anterior Delegación Provincial de Patrimonio”
Os informes instan á continuidade da escavación do xacemento en terreos públicos de Portos do Estado que o BNG levará a pleno
Os informes técnicos emitidos agora, ademais de explicar relevancia do xacemento, fan mención “á posibilidade de ampliar a intervención en terreos de titularidade pública”, en referencia aos terreos de Portos do Estado, “recuperando así un conxunto de notábel interese para a historia antiga e medieval da Mariña Luguesa”. Neste sentido Estúa lembrou que “o BNG xa pediu ao Subdelegado do Goberno do Estado en Lugo e ao Xefe Territorial de Costas nunha recente visita a Cervo, actuacións de recuperación do xacemento en terreos da súa competencia”. Incidindo nesta cuestión o nacionalista anunciou a presentación dunha iniciativa no pleno da corporación de Cervo na que se insta a solicitar ao departamento de Costas a levar adiante actuacións de estudo e recuperación arqueolóxica en terreos públicos en colaboración coa Dirección Xeral de Patrimonio da Xunta de Galiza.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
