Nota de prensa
O BNG congratúlase pola súa xestión na reelectrificación de Penas Agudas
O BNG de Xove promoveu, xestionou e logrou que unhas quince vivendas de Penas Agudas, que a antiga Administración Fraga deixara fóra do Plan de Mellora Eléctrica (MEGA) no seu día, melloren a escasa potencia eléctrica que sofren e que lles provocaba interrupcións continuas e fallos nos electrodomésticos de uso diario.
Os veciños de Penas Agudas pasaron dos vergoñentos 1.100 watios aos que os tiña condenados o Partido Popular a un servizo de calidade grazas ao esforzo dos concelleiros Durán e Bouza, que no seu día promoveron a recollida de sinaturas para solucionar este problema. Non foi ata que o BNG chegou ao goberno da Xunta cando a xusta demanda dos veciños de Penas Agudas atopou resposta tanto no que naquela altura era conselleiro de Industria, Fernando Blanco, como no delegado desa Consellaría en Lugo, Ramón Cortés. O departamento nacionalista de Innovación e Industria levou adiante, durante os anos 2007 e 2008, todos os trámites que foron necesarios para acadar a reelectrificación destas vivendas a pesar do histórico desinterese dos populares.
Foi a Administración do Bloque Nacionalista Galego a que traballou sen descanso para lograr o desbloqueo desta obra nun lugar que tiña un servizos propios do terceiro mundo. Para iso foi necesario proceder á expropiación forzosa dos terreos daqueles propietarios que se opoñían ao trazado da liña. A Administración do BNG na Xunta, ao contrario do que adoita facer o PP, tomou a “decisión de gobernar” e levou adiante os trámites necesarios para corrixir a inxustiza que se estaba a cometer cos veciños de Penas Agudas. “E eles, os veciños, sábeno ben”, asegurou o candidato do BNG á alcadía xovense. Marco López declarou que “despois de sermos os do Bloque os que montamos toda a árbore de Nadal, os do PP pretenden colocar a estreliña de riba”.
Tampouco entenden desde o BNG que, despois de vender a reelectrificación como se fora súa, o PP vaia pagar agora un aluguer de 6.000 euros por un xenerador eléctrico para a festa de Penas Agudas. López tamén dixo que a parálise da actual Xunta está facendo que todo o esforzo do PP se dirixa a apropiarse das ideas e o traballo dos demais: “en vez de exercer o goberno semellan unha empresa de publicidade”, sentenciou.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
