Nota de prensa
O GRUPO MUNICIPAL DO PP RECÓRDALLE AO CONCELLEIRO DE MEDIO AMBIENTE A OBRIGA QUE TEN O CONCELLO DE GARANTIR A CALIDADE DE VIDA DOS VECIÑOS E VECIÑAS DA VILA.
Dende o PP denunciamos a falla de adopción polo Concello de medidas que poñan fin á praga de estorniños que asola a nosa Vila, e que afectan á calidade de vida dos veciños e veciñas
Cando na maioría de pobos e vilas do noso entorno vénse actuando dende fai anos para acabar cos durmideiros comunais de estorniños, no Concello de Ribadeo a última actuación ao respecto foi no ano 2005, e é esta falla de control a causa de que esta praga incontrolable a medida que avanza o tempo vaia facéndose maior.
Recordámoslle ao Concelleiro de Medio Ambiente que o problema no é só que esta praga non nos deixe ver o ceo, que xa de por sí é grave, senón que estas aves son orixe de graves molestias para os veciños e veciñas e causa de graves danos para os bens e para o mobiliario urbano.
Ademais de que o griterío continuo e estridente que manteñen estas aves durante toda a noite provoca evidentes molestias aos veciños, o seu agrupamento en torno a determinados edificios ocasiona o cúmulo de grande cantidade de excrementos, ensuciando as rúas e edificios, provocando mal olor, ademais de proporcionar un bo medio para a aparición de fungos, algún dos cales puideran resultar daniños para a saúde, e cuxo carácter extraordinariamente ácido provoca a abrasión dos materiais onde se asentan plantas, mobiliario urbano, vehículos, roupa, edificios… e todo elo sen esquecer o grave risco de escorregóns que supoñen para os viandantes nos días de choiva.
Ao fin de evitar estes graves riscos, é que dende o Grupo Municipal do PP rexeitamos a resignación amosada polo Concelleiro de Medio Ambiente fronte a este problema e pedímoslle ao Alcalde e ao seu equipo de goberno que seguindo o exemplo doutros Concellos e Vilas se adopten as medidas necesarias para acabar con esta praga que está a afectar gravemente á calidade de vida dunha boa parte dos nosos veciños. Pedímoslles que busquen solucións ao problema neste momento antes de que siga indo a máis e antes de que os danos destas aves sexan maiores, xa que máis vale facer dende o Concello un pequeno gasto agora destinado a garantir a calidade de vida dos veciños, como mal menor, que ter que facer fronte no futuro a un gasto maior pola necesidade de acometer outros custos derivados xa sexa da limpeza das rúas, mobiliario urbán…. ou da necesidade de asumir posibles reclamacións veciñais xustificadas no seu dereito a que dende o Concello se lles garanta unha calidade de vida axeitada.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
