MAÑÁ PRESÉNTASE NO AUDITORIO MUNICIPAL A CURTAMETRAXE ONDAS NA REDE, ELABORADA POLO ALUMNADO DOS CENTROS DE ENSINO RIBANDESES DENTRO DO PROXECTO ENRÉDATE CON XEITO. TERESA GONZÁLEZ EXPLICA QUE “SE TRATA DUNHA EXPERIENCIA EDUCATIVA PARA PREVIR AS ADICCIÓNS ÁS REDES SOCIAIS”.
Ribadeo, 19 de setembro de 2012. Mañá xoves, 20 de setembro, preséntase no auditorio municipal a curtametraxe Ondas na rede, elaborada por 110 alumnos e alumnas dos centros de ensino ribadenses dentro do proxecto EnREDatE con xeito da Concellaría de Saúde e Servizos Sociais. Teresa González indicou que “se trata dunha experiencia educativa para previr as adiccións ás redes sociais”. O acto dará comezo ás 20 horas.
A edil nacionalista lembrou que “o proxecto EnREDatE con xeito xurdiu a principios do curso pasado porque viamos a necesidade de comunicar os datos que a técnica de drogodependencias e trastornos aditivos recolleu nos distintos centros de ensino sobre o uso e o dominio que ten a mocidade das redes sociais”. Teresa González sinalou que “para facelo público quixemos darlle un formato un pouco atractivo. O obxectivo é concienciar ás familias de que as redes sociais están de plena actualidade, as familias deben actualizarse e usalas para permitir que as súas fillas e fillos as utilicen e saber ao mesmo tempo os riscos que iso conleva. E aos xoves queremos facerlles ver que non é todo tan doado e que ten moitas vantaxes, pero tamén inconvintes”.
EnREDatE con xeito constou de tres fases, “na primeira nos centros de ensino realizóuse unha fase formativa na que un técnico os informou sobre o uso das redes sociais. Na segunda fase encomendóuselles un traballo a cada centro participante, e un deles tiña que, cos datos reais que tiñamos na área de drogodependencias e trastornos aditivos, facer guións sobre todo isto; outro dos centros abordou as vantaxes e riscos das redes sociais e o terceiro centro analizou un pouco a evolución dos sistemas de comunicación desde os anos 80 ata a actualidade. Xurdiron moitos guións porque o alumnado participante chegou aos 110 rapaces e rapazas. E finalmente na terceira fase fíxose un refundido de todos os guións que deu lugar á grabación da curtametraxe Ondas na rede”, segundo a concelleira de Saúde e Servizos Sociais.
Teresa González indicou que “esa curta ten un fío condutor, dous amigos que se atopan despois dun certo tempo e falan do uso das redes. Sentímonos moi orgullosos de poder levar adiante este proxecto porque ao principio parecía difícil, pero os resultados son altamente positivos”. A edil nacionalista agradece “a labor das orientadoras dos centros educativos, dos equipos directivos e da técnica de drogodependencias, que puxo todo de sí para que este soño fose unha realidade”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
