O grupo de teatro A Adala achega ó Teatro Pastor Díaz a obra ‘Sen seu amor’ o sábado 4 de outubro a partir das 20.30 horas con entrada gratuíta, xa que forma parte do programa teatral da Deputación Provincial, Buxiganga. Dirixida a un público adulto, a obra conta, en termos cómicodramáticos, a historia real de Emérita e Nicanor, que aconteceu en Foz entre os días 17 e 18 de setembro de 1929. A obra comeza co baile dun tango que pretende transmitir a idea de que a vida é un tango pero que cada quen pode interpretar de moi diversas maneiras
pois para uns a vida é pracer e para outros dor. No caso de Emérita e Nicanor (na obra teatral Carmiña e Nemesio) o seu tango ten sabor agridoce
pois o seu amor é profundo e verdadeiro pero incomprendido polo seu entorno social. A parella vive a escondidas unha bonita e entrañable historia de amor que se ve mediatizada polas súas lecturas da obra Romeo e Xulieta. Pero o tempo pasa e as presións familiares para que deixen de verse cada vez oprímeos máis e máis, chegando a contemplar a opción do suicido como a única saída para o seu verdadeiro amor ao igual que na súa obra teatral favorita. A obra remata cunha escena dramática na que se dá a entender que ambos protagonistas intentan suicidarse e posteriormente vólvese a bailar un tango ao igual que no inicio. Na realidade
Emérita e Nicanor non faleceron senón que ambos quedaron cegos e Emérita faleceu pouco despois.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
