24 de Outubro de 2020

Correo | Favoritos  | Imprimir   

O home máis lonxevo de Cervo, José María Rúa, recibe a visita do alcalde ao cumprir 101 anos

27-06-15

centenario_sanromanCervo, 27 de xuño de 2015.- O alcalde de Cervo, Alfonso Villares, e a edil Pilar Armada visitaron esta semana ao centenario José María Rúa, que cumpriu 101 anos o día 24. Ambos se achegaron ata a súa casa en San Román para felicitalo polo seu aniversario e entregáronlle un ramo de flores como mostra de agarimo. Unha visita na que estiveron presentes tamén o seu fillo e a súa nora.

O alcalde e a edil aproveitaron a visita para interesarse polo seu estado de saúde e para falar con el, de forma que puideron comprobar “que segue tendo o mesmo sentido do humor e a mesma vitalidade ca sempre”, asegura Villares. Da mesma maneira, desexáronlle “que siga con ese positivismo e esa boa saúde por moitos anos máis”.

José María Rúa é o home máis lonxevo de todo o municipio, aínda que non a persoa de máis idade, que é unha muller veciña de San Cibrao.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive