Lugo, 12 de febreiro de 2019. O Pleno do Consorcio Provincial de Bombeiros aprobou por unanimidade este martes as propostas que levou o Presidente da Deputación de Lugo e do Consorcio de Bombeiros, Darío Campos Conde, para iniciar a partires do 1 de maio a xestión directa dos parques comarcais de bombeiros, que é cando rematan os contratos das empresas que actualmente se ocupan da mesma.
O modelo de xestión proposto por Campos Conde supón un aforro de 260.000 euros ao ano, a subrogación dos 117 profesionais que ofrecen este servizo e a mellora das súas condicións laborais. Por exemplo, pasarán a ser considerados como profesionais de actividades de risco.
Son 75 bombeiros, 36 cabos e 6 xefes de parque que, tal e como reivindicaban estes profesionais e como se comprometeu Campos Conde, pasarán a ser persoal laboral dos parques que forman parte do Consorcio Provincial de Bombeiros: Viveiro, Vilalba, Barreiros, Monforte de Lemos, Sarria e Chantada.
Esta medida engádese á equiparación salarial, que sempre defendeu Campos Conde, e que se conseguiu no mes de xuño, supoñendo que os 117 traballadores dos parques de bombeiros da provincia de Lugo por fin cobren exactamente o mesmo que o resto dos seus compañeiros en Galicia.
Ditas propostas baseáronse en informes xurídicos e económicos realizados pola Deputación de Lugo, que garanten a viabilidade da xestión pública dos parques de bombeiros.
O cambio no modelo de xestión dos parques de bombeiros é unha proposta feita polos Presidente das Deputacións de Lugo, A Coruña e Pontevedra á Xunta de Galicia xa no 2016. Fixérono nunha reunión na que tamén participou a Deputación de Ourense. Naquel momento, Baltar opúxose ao cambio de xestión e a Xunta mantívose ao marxe, tal e como dixo publicamente o Conselleiro de Presidencia, deixando aos organismos provinciais avanzar na súa proposta en solitario.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
