Burela 11-7-19. A ala-peche Jenny Lores Cortizo estivo arroupada na súa presentación oficial de laranxa polo presidente, Manuel Blanco, e o directivo Rubén Blanco. A pontevedresa, de Monte Porreiro, é a segunda novidade no proxecto do Pescados Rubén Burela FS para a próxima tempada, xunto á que tamén foi a súa compañeira en Poio Pescamar FSF, a nedense Ale de Paz.
Aos seus 28 anos, a xogadora recala na comarca da Mariña para cambiar de aires, con ganas de novos desafíos: “Custoume un pouco tomar a decisión porque levaba moitos anos co Poio e tíñalle moito agarimo á xente e ao equipo, pero apetecíanme novos retos e saír un pouco da miña zona de confort e non hai mellor club para iso que o Pescados Rubén, que é o máis profesional”, explicaba a nova Guerreira Laranxa, formada en estrutura de Marcón FS e que chega tras cinco tempadas no Poio.
“É a miña primeira experiencia fóra da casa, pode impoñer un pouco de respecto ao principio pero todo será cuestión de adaptarme. O Burela é un equipo moi forte e creo que me adaptarei ben, con traballo, sacrificio e ganas” confesaba así a ala-peche, disposta a seguir medrando e gozando na escuadra mariñá: “Veño para superarme e pelexar por conseguir títulos, pero sobre todo veño aprender moitísimo” puntualizaba Jenny.
Jenny Lores e Ale de Paz reforzan un bloque no que continúan Peque e Dany e xa formalizaron a renovación Ana Romero, Cilene, Bea Mateos, Luci, Jozi e Lara Balseiro.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
