Poucos días despois da publicación neste medio dun artigo da miña autoría, Desleixo S.A. saio outra volta á palestra co mesmo asunto. Fágoo porque agora dispoño de nova información que quero compartir coa veciñanza: Grallal ten novos donos.
Unha S. L., empresa con domicilio en Alcobendas (Madrid), podería ser á día de hoxe a nova propietaria do pazo e da finca de Covas que conta con algo máis de once mil metros cadrados.
Tendo en conta as información publicadas nos medios, este Pazo, legado no 2006 pola derradeira propietaria ao daquela párroco de Covas, foi posto á venda hai máis de cinco anos cun prezo inicial de saída de 375.000 euros. Os beneficios obtidos serían destinados—sempre segundo o que daquela manifestou o ex párroco—“a obras piadosas” que el determinase.
En vida das antigas propietarias ou xa en mans do “xestor” que recibiu o legado da derradeira herdeira dos Pérez-Labarta Pillado, este Pazo debería ter mantido sempre un mínimo coidado no seu aspecto exterior, nomeadamente no seu portón de entrada que ten hoxe o seu frontón triangular cuberto pola hedra. E non foi así, aínda que recursos económicos non deberon faltar nunca para un mínimo mantenemento. Agora que o Pazo de Grallal ten novos propietarios coido que hai máis razón para rematar co abandono no que se atopa este edificio catalogado, asunto este que motivou o meu anterior artigo neste xornal.
Dos novos amos do Pazo, a Sociedade Limitada da que o Concello e Patrimonio da Xunta teñen que coñecer os seus datos—están disponíbeis no Catastro, nos Rexistros da Propiedade ou do Mercantil—nada vou comentar, aínda que deixo no ar unas cantas preguntas: é unha empresa inmobiliaria?, os compradores son coleccionistas de arte? , exercen algún mecenato das Artes Decorativas?, que van facer co Pazo de Grallal?. As respostas non deberían ficar soprando no vento. Fagan pois, os xornalistas daquí en adiante o seu labor de investigación e manteñan á veciñanza informada.
Do destino da Biblioteca que existiu no Pazo non dispoño de información. Se cadra algún día o investigador Carlos Adrán—a voz máis autorizada neste asunto—nos ilustra ao respeito.
E agora que Grallal ten novos donos é de agardar que arranxen canto antes –insisto—o portalón da entrada, o que linda con Inglaterra mar por medio.
“Grallal ten novos donos”, por Francisco Luis R. Guerreiro
Relacionado
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
