Lugo, 13 de agosto, 2019. O Grupo Provincial do Partido Popular considera “inaceptable” o “uso político” que case nove anos despois o PSOE e o BNG continúan a facer das residencias de maiores, que acordaron construír e xestionar dende 2010 e das que “hoxe buscan desatenderse, porque xa non lles deben interesar”.
Os populares lembran que recorren á solicitude de convocatoria dun pleno extraordinario para que o PSOE e o BNG aclaren “os pasos que darán coas residencias” xa que están “a xerar alarma e incerteza tanto entre os rexedores como entre os veciños e veciñas” que ven como o novo Goberno da Deputación “busca desatenderse do seu compromiso de construír e xestionar as residencias”.
Dende o Grupo Provincial do PP destacan que cando menos Tomé parece que “rectifica en parte, xa que agora di que asumirá os acordos asinados, pero o que entendemos é que a larga buscan que outros asuman o seu compromiso”. É “inconcibible” que PSOE e BNG intenten vender unha imaxe de “rigor e axilidade”.
Os populares tamén lle lembran aos socialistas que “se cansaron de vender o seu modelo de xestión das residencias coma o mellor” contrapoñéndoo ao da Xunta e agora “buscan pasarlle a pelota ao teito da administración autonómica”.
Para os populares “é necesaria unha certa seriedade política. Non se pode estar hoxe asinando novos convenios e aos tres meses dicindo que non é competencia da Deputación e que deben ser outros os que asuman o que eles deseñaron e empezaron”.
Ante todo, “pensamos nos efectos prexudiciais que esta situación poida ocasionar ás persoas maiores e no funcionamento dos centros” polo que “non se pode cambiar de criterio en base a antollos e beneficios propios”. Os populares piden “seriedade” ante un asunto de “especial relevancia para a provincia, que afecta a concellos e veciños e veciñas, sen esquecernos do persoal que pasou un proceso de selección para traballar nalgún deste centros e que anos despois seguen se poder incorporarse ao seu posto de traballo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
