Lugo, a 14 de febreiro de 2020. A Deputación de Lugo, gobernada polos socialistas, necesitou máis de tres anos e medio para adoptar as medidas precisas para cumprir o acordo adoptado no pleno de xullo de 2016, por iniciativa do PP, para facilitar a adquisición de desfibriladores polos concellos lucenses de menos de 20.000 habitantes. De pouco serviu que o PP recordase en diversas ocasións ao goberno provincial que tiña sen executar o citado acordo. Na reunión celebrada esta mañá pola xunta de goberno da Deputación aprobouse, por fin, o programa Lugo Provincia Cardiosaudable, e o convenio de cooperación cos concellos adheridos.
O grupo provincial do PP, do que é portavoz Elena Candia, considera que este asunto deixa claramente de manifesto como entenden os socialistas a eficacia na xestión. Necesitaron case catro anos para poñer en práctica un acordo plenario que pode salvar vidas nos municipios da provincia de Lugo. O actual presidente, José Tomé, necesitou desde que se constituíu a corporación, en xuño do 2019, para sacar adiante este acordo.
Os populares consideran que, de novo, quedan claros dous aspectos da xestión de Tomé ao fronte da Deputación. Por un lado que segue vivindo de rendas, de acordos pasados. Por outra parte, demóstrase unha vez máis que carece de proxecto propio e que da súa chegada á presidencia provincial o único que lle interesaba realmente era ocupar o sillón, pero non a defensa e xestións dos intereses provinciais.
O PP conseguiu, coa moción aprobada no pleno do 26 de xullo de 2016, que a Deputación asumise o compromiso de elaborar «un plan de cooperación cos concellos para axudar aos municipios de menos de vinte mil habitantes na adquisición de desfibriladores para a súa instalación nos espazos de maior afluencia de veciñas e veciños, conseguindo Lugo a condición de provincia cardiosaudable». Igualmente, o organismo provincial quedou obrigada a «incluír en dito plan que a axuda da Deputación consista no 100% do prezo do desfibrilador, procurando a formación específica para o seu correcto manexo por persoal capacitado».
Os deputados populares criticaron en diversas ocasións o retraso na execución da moción aprobada en xullo de 2016. Fixéronno, entre outros momentos, en febreiro de 2018 e tamén nunha intervención da portavoz do PP nun debate plenario o 26 de marzo de 2019. Por fin, agora, a xunta de goberno adopta unha decisión para executar as propostas do PP aprobadas en 2016.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
