28 de Setembro de 2020

Correo | Favoritos  | Imprimir   

A Marea Galeguista promove o deporte na provincia de Lugo, apostando por potenciar os recursos naturais e medioambientais

30-06-20

Lugo, 30 de xuño de 2020. Dende a Marea Galeguista afirman que Lugo historicamente tivo nos deportes acuáticos gran sona, nomeadamente no piragüismo pero tamén no remo e traiñas, no atletismo e, nos últimos anos, no triatlón, polo que instan a “recuperalos, potencialos e popularizalos para ser referentes”.

A Marea Galeguista pretende “potenciar o turismo co deporte, dando a coñecer a gran beleza medioambiental coa que conta a nosa provincia”. Así, sempre “sendo sustentables e respectuosos coa nosa riqueza natural”, pretenden potenciar na comarca do Courel e Ancares o montañismo, as andainas, a orientación, etc.

Propoñen tamén promocionar os deportes acuáticos co desenvolvemento turístico na Ribeira Sacra, ao carón do Sil….

A Marea Galeguista proponse reforzar a recuperación dos deportes tradicionais “que os nosos ancestros practicaron durante moitos anos, sendo unha válvula de escape para as súas vidas e sendo momentos de lecer e encontros a destacar”, enfatizando que “ata agora so contan con axudas esporádicas e intermitentes que non os consolidan”.

Dende a Marea Galeguista por Lugo reivindican a 3ª hora de Educación Física para “coidar o deporte e a educación física dende idades temperás para obter unha sociedade máis saudable e máis formada”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive