Santiago de Compostela, 30 de xuño de 2020. A Xunta está a traballar na posta en marcha do “Polo de formación forestal da Mariña”, que contará con cursos ligados ao sector forestal que se impartirán no Centro de Formación e Experimentación Agroforestal Pedro Murias, de Ribadeo, e no IES San Rosendo, de Mondoñedo. O polo levarase a cabo na Mariña lucense ao ser unha das zonas con máis cortas de Galicia e, por ende, de España; e no marco do impulso que está a protagonizar o Goberno galego tanto da formación continua como dos certificados de profesionalidade, ao abeiro do Plan de reactivación e dinamización da Consellería do Medio Rural.
Así llo trasladaron os directores da Axencia Galega da Calidade Alimentaria (Agacal) e de Planificación e Ordenación Forestal, Manuel Rodríguez e José Luis Chan, respectivamente, ao xerente do Clúster da Madeira, Ricardo González, nun encontro que mantiveron esta mañá en Santiago de Compostela para avanzar na posta en marcha desta formación.
Así, o vindeiro curso escolar implantarase un novo ciclo medio en modalidade de FP dual sobre aproveitamento e conservación do medio natural no centro ribadense, dependente da Consellería do Medio Rural, mentres parte das clases prácticas se desenvolverán no instituto mindoniense, que xa contaba con esta titulación na súa oferta educativa. A maiores, no IES San Rosendo de Mondoñedo impulsarase formación relacionada coa horta.
O novo ciclo sobre aproveitamento e conservación do medio natural terá unha duración de dous anos e 2.000 horas de formación, repartidas en clases teóricas e prácticas nos propios centros mariñaos e en empresas do sector. A maiores, apostará pola formación continua con técnicos de Finlandia e outros países desprazados a Galicia, así como poñendo o programa Erasmus+ no país escandinavo a disposición tanto de profesores como de alumnos. Da formación continua tamén se poderán beneficiar os distintos operadores do sector forestal da Mariña lucense, con cursos orientados tanto ao aproveitamento do recurso como á súa transformación.
Nesta liña, durante o primeiro curso do ciclo impartiranse un total de seis módulos profesionais, que combinarán clases teóricas e prácticas no propio centro Pedro Murias -que conta cunha explotación agrogandeira propia con gando vacún e 13 hectáreas de terreo-, así como no IES San Rosendo de Mondoñedo, dotado tamén de instalacións perfectamente equipadas. Así, o alumnado adquirirá coñecementos en fundamentos agronómicos, tales como o clima, solo, operacións topográficas, ecosistemas, etc.; principios de sanidade vexetal, centrado en vexetación espontánea e fauna prexudicial e beneficiosa, así como no estado sanitario e métodos de protección das plantas.
A maiores, impartirase un terceiro módulo sobre repoboacións forestais e tratamentos silvícolas, que comprende tamén formación en desprazamentos e traballos en altura. Outro módulo centrarase na produción de planta forestal en viveiro, para o cal se está a estudar a posibilidade de levar a cabo un convenio en dual con algún viveiro forestal da zona. O quinto módulo estará centrado na maquinaria e instalacións forestais e, finalmente, un de formación e orientación laboral, que se impartirá de forma conxunta entre a empresa e o CFEA Pedro Murias.
Xa no segundo curso impartiranse outros seis módulos, centrados no control fitosanitario, nas conservación das especies cinexéticas e piscícolas, no uso público en espazos naturais, no aproveitamento do medio natural, na prevención de incendios forestais e nas iniciativas emprendedoras. No caso dos tres últimos módulos impartiranse de forma conxunta entre a empresa que levará as prácticas do alumno e o CFEA Pedro Murias.
Así, as persoas que obteñan este título poderán exercer a súa actividade en empresas grandes, medianas e pequenas, tanto públicas como privadas, dedicadas aos traballos de repoboación forestal, de restauración e ordenación hidrolóxica forestal e de aproveitamento forestal, así como de control e vixilancia do medio natural.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
