Ribadeo, 11 de xullo de 2020. Faro Norte Comunicación editou unha portada especial de A Gaceta Ribadense nos días nos que tería que celebrarse o VII Ribadeo Indiano.
Titúlase “Pensando no 2021” e quere render unha homenaxe especial a hostaleiros e comerciantes nun ano que está a ser moi duro para todas e todos eles.
Faro Norte Comunicación agradece o apoio de todas as firmas de Ribadeo e da súa contorna e das institucións colaboradoras para que A Gaceta Ribadense saíse á rúa: “todos queremos pasar páxina canto antes a este ano que estamos a vivir e poñer a ilusión e a esperanza no 2021, no que agardamos compartir con todas e todos vostedes o Ribadeo Indiano e unha nova edición deste xornal”.
Desde Faro Norte Comunicación dan as grazas “a cada un dos articulistas que ano tras ano nos deleitaron coas súas historias, coas súas colaboracións, sobre a emigración. Queremos ter nesta ocasión unha lembranza especial para Antonio Fernández, que nos deixaba hai uns meses”.
E engaden: “grazas tamén aos nosos especiais repartidores e repartidoras de A Gaceta Ribadense, que cada venres do Ribadeo Indiano no desembarco no porto lles achegaban a todos vostedes esta publicación”.
Faro Norte Comunicación distribuíu esta portada especial de A Gaceta Ribadense entre medio cento de empresas e tamén entre os articulistas colaboradores. A páxina pode verse nas redes sociais de Faro Norte e tamén na guía de ocio dixital www.faroocionorte.com
Faro Norte Comunicación editou unha portada especial de A Gaceta Ribadense nos días nos que tería que celebrarse o VII Ribadeo Indiano
Relacionado
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
