Foto de arquivo
Lugo, 8 de xaneiro de 2021. A deputada lucense do PSdeG-PSOE no Congreso, Ana Prieto remarcou hoxe que “a inversión por habitante en Lugo ascende a 348 euros, case un 35% por riba da media española, que se sitúa en 258,2 euros por habitante”. Son contas que na provincia de Lugo, pese a pandemia, sobresaen polo seu gran esforzo inversor, coa maior inversión en gasto social da historia: consolidan o ingreso mínimo vital, blindan o sistema de pensións, garanten aos nosos maiores lucenses recursos dignos e suficientes a través de revalorización das pensións.
Nos orzamentos recentemente aprobados, e que xa están en vigor dende o 1 de xaneiro, o gasto territorializado en Lugo ascende á 114,10 millóns de euros, incrementándose un 60,21% en relación aos orzamentos do 2019. En relación coas grandes contas de 2018, o gasto total previsto en INFRAESTRUTURAS incrementouse en Lugo nun 90,7% nos novos orzamentos, pasando a 110,5 millóns de euros. “Os investimentos en Lugo reflicten o compromiso do Goberno de España en materia de infraestruturas”, afirma a deputada socialista.
A provincia de Lugo ten asignados 26 millóns de euros para estradas. Este orzamento contempla a consignación para rematar as obras na autovía A-54 entre Lugo e Santiago; redacción de estudos e proxectos para a autovía A-74 da Mariña, e a A-76 Monforte de Lemos-Babela, así como actuacións para potenciar o Camiño de Santiago o seu paso pola nosa provincia.
Sector ferroviario
O investimento real no sector ferroviario na provincia de Lugo incrementouse un 758,2% con respecto ao 2018; consignándose 76,2 millóns de euros. Para actuacións de renovación e electrificación na liña Ourense-Monforte-Lugo, mais para a Estación Intermodal de Lugo, ADIF consigna 84,6 millóns de euros. Tamén consigna 3,1 millons para a renovación da liña Monforte-León.
A provincia de Lugo ocupa a posición número 9 na táboa de clasificación de inversións por provincias no sector ferroviario, con 232,27 euros por lucense. Prieto pide “altura de miras aos deputados e senadores galegos do PP, para que deixen de lado confrontacións estériles e arrimen o ombreiro”. Sinala que “os deputados e senadores do PP, son os mesmos que en medio desta pandemia votaron non a 3.400 millóns de euros para a sanidade, votaron non a 1.088 millóns de euros para a Atención Primaria e votaron non a 1.000 millóns de euros para mercar as vacinas contra a covid”.
“O Goberno de España cumpre coas veciñas e veciños de Lugo cunhas contas con maior investimento social da historia, que consolida o Ingreso Mínimo Vital, blinda o sistema de pensións, garante aos nosos maiores pensións dignas. O medio rural refórzase con servizos e con feitos, non con palabras baleiras e confrontación”, remarcou Prieto.
Por ultimo afirma que “este non é o momento para enredos políticos que o único que buscan e desviar a atención da importancia do orzamento 2021. É o momento da concordia, de estar á altura e buscar os acordos e solucións que Lugo necesita, porque son momentos para a xenerosidade política e non para a confrontación”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
