Agora resulta que o galego é o culpable de que desapareza o castelán. Queren facernos comungar con rodas de muíño, facer dunha mentira unha verdade, volver o mundo do revés, escribir a historia ao seu modo. É duro soportar tanta hipocrisía. Pensei que remataran os tempos da ditadura, cando se perseguía o galego e me humillaban, chamándome “aldeano”, “ignorante”, cando me poñían de xeonllos na escola por falar en galego. Pero vexo que non, agora con métodos máis sutís, presuntamente democráticos, os patufos desleigados de sempre volven cargar contra o galego, inventando unha realidade na que se converten en vítimas.
Penso que é unha burla. Quen ten o poder, os que ostentan a forza dos cartos, da política, dos medios volven burlarse dos máis débiles. Cando controlaban o poder político de forma omnipresente, para que tiveramos calados fixeron leis a favor do galego, pero xa sabían que non se ían cumprir, porque eran eles quen tiñan que facela cumprir. Especialmente grave foi o incumprimento en educación e a consecuencia é a perda constante de falantes galegos.
Os feitos son que no propio país temos que pedir perdón por usar a nosa lingua. Os galegos temos a obriga de ser bilingües. Os que falan castelán non teñen necesidade de falar galego e sen embargo andan de vítimas no país dos ananos. Os pais xa renunciaron a transmitir a súa cultura e a súa lingua aos seus fillos. A prensa está escita en castelán, a radio e a televisión falan castelán, os ordenadores tamén, os rótulos dos comercios están es castelán, os funcionarios falan en castelán, os dependentes das tendas falan en castelán baixo ameaza de seren despedidos. Hai situación choqueiras como ocorre en Vigo, onde, no comercio, se falas en galego, contéstanche en castelán, se falas en portugués, contéstanche en galego.
Toda esta situación lémbrame aquel debuxo de Castelao no que uns nenos están xogando á pelota. O que leva zocos (castelán) dille ao que vai descalzo (galego) “Non vale dar cargas”.
E coma sempre, refuxiámonos na autoxenreira, desprezándonos a nós mesmos, refugamos o propio para seguir sobrevivindo coa filosofía de “mexan por un e hai que dicir que chove”. ¿Ata cando?
De vítima a verdugo
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
