ALFOZ.- Desde o BNG de Alfoz critican que “o PP se apunte o éxito de poñer un reemisor para que se poidan ver os canles da TDT no concello xa que a iniciativa partiu de nós”, asegura o voceiro nacionalista Iván Marrube. O grupo municipal do BNG presentou unha moción no pleno que se celebrou o 28 de setembro de 2007 “solicitando a instalación dun reemisor para que os veciños pudiesen ver as canles da tdt, especialmente a Sexta, a máis demandada entre os veciños>, segue a contar Marrube, que engade que <nese pleno tras barallar diferentes opcións a moción quedou sobre a mesa e tivo que pasar casi un ano para que desde o Concello se fixera algo. Incluso lles falamos nese momento da posibilidade de falar co Concello do Valadouro para costear este servizo entre os dous Concellos”.
O voceiro do BNG en Alfoz considera que “queda patente día a día a falla de capacidade de xestión, compromiso e traballo do PPde Alfoz. É lamentable que teña que pasar casi un ano para que fixeran algo, e por enriba sempre a remolque das iniciativas que presenta o BNG, igual que pasa con moitas cuestións na vida diaria do concello. O único que van facer agora é empezar a xestionar a instalación dese reemisor”. Iván Marrube lembra que “naquela sesión plenaria desde o BNG xa manisfestamos que si dende o Concello se dirixían á Consellería de Industria para solicitar unha subvención para a instalación do reemisor (como xa fixo algún outro concello da costa en proxectos piloto) que desde o BNG de Alfoz estabamos dispostos a facilitar as citadas xestións ante ese departamento autonómico, pero desde o equipo de goberno non tomaron ningún tipo de iniativa e como manisfestou o tenente de alcalde no pleno do pasado xoves esperaban que fose exclusivamente a oposición a que lles xestionase a citada actuación”.
Marrube tilda de “lamentable que o equipo de goberno dun Concello pretenda que as iniciativas llas dirixa a oposición. O BNG de Alfoz está demostrando con feitos que é o partido que leva a total iniciativa na defensa dos intereses e demandas dos veciños do Concello”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
