VIVEIRO .- O BNG de Viveiro presentou hoxe alegacións aos orzamentos do concello aprobados inicialmente nunha sesión plenaria do pasado 21 de xullo. O proxecto de orzamento xa fora votado en contra polo Bloque Nacionalista Galego e estaban agora na fase de exposición pública. O BNG lembra “que o Servizo de Intervención recomendou na sesión de xullo a retirada do proxecto por incumprir a lei no referente á estabilidade orzamentaria. O concelleiro do BNG cualificaba o pasado día 1 de “auténtica chambonada” ao proxecto presentado “tarde mal e arrastro” por un goberno que “pasou de matute o debate máis importante do ano”.
NOTA DE PRENSA:
O BNG DE VIVEIRO PRESENTA ALEGACIÓNS AOS ORZAMENTOS DO CONCELLO
O BNG de Viveiro presentou hoxe alegacións aos orzamentos do concello aprobados inicialmente nunha sesión plenaria do pasado 21 de xullo.
O proxecto de orzamento xa foi votado en contra polo Bloque Nacionalista Galego e estaban agora na fase de exposición pública. Lembramos que o Servizo de Intervención recomendou na sesión de xullo a retirada do proxecto por incumpir a lei no referente á estabilidade orzamentaria. O concelleiro do BNG calificaba o pasado día 1 de “auténtica chambonada” ao proxecto presentado “tarde mal e arrastro” por un goberno que “pasou de matute o debate máis importante do ano”.
As alegacións, que terán agora que ser tratadas nun Pleno, constan de catro apartados que, de seguido, transcribimos.
1º) Que nos Orzamentos aprobados inicialmente polo Pleno do Concello se pretende inchar a partida de ingresos para poder acometer máis gastos, sabendo que están endebedando e poñendo nunha situación máis crítica ao Concello. Sen entrar a detallar partida por partida o desfase contábel, si podemos poñer riba da mesa algúns exemplos do dito. Pensemos senón no concepto 282 onde se pasan duns dereitos liquidados no 2007 de 187.602,80 Euros a unha previsión de ingresos de 990.021,25Euros ou na Taxa por Licencia de Obra onde no exercicio 2007 se recoñecen dereitos liquidados por 158.178,46 Euros e se fixan para este ano unhas previsións de 525.495,65 Euros, téndose liquidado no que vai de ano 71.000 Euros aproximadamente. Neste sentido queremos referirnos ao Informe de Intervención, no que se fai referencia ao incumprimento do art. 165.4 do Texto Refundido da Lei Reguladora das Facendas Locais, referido a estabilidade Orzamentaria.
2º) Que os gastos financeiros por operacións de crédito a corto e longo prazo non coinciden co estado da previsión da débeda sen preverse a concertación de operacións de Tesourería neste documento o que contradí o estado de gastos tal como establece o art.166 do TRLFL. Na mesma liña no Informe económico financeiro tampouco se especifican eses dados polos que se incumpre o art18.1 e) do RD 500/1990. Xa por último debemos recordar que as sociedades municipais do Concello de Viveiro non teñen aprobados os seus estados contábeis, sen o cal non se poden concertar operacións de crédito a longo prazo, polo que se incumpre o disposto no artigo 53.2 do Texto Refundido da Lei Reguladora das Facendas Locais.
3º) Que o RD 500/1990, no art. 18.1 e) establece que o Informe económico financeiro, en relación coas operacións de crédito previstas, debe recoller as características e condicións financeiras previstas, con especial referencia a carga financeira que pese sobre a entidade antes e despois da formalización. Que eses dados non se aportan no documento Orzamentario cando a principal motivación dom esmo é formalizar unha operación de crédito por 1.100.000 Euros. A maior abonamento hai que lembrar que o art. 53.7 do Texto Refundido da Lei Reguladora das Facendas Locais establecese que para aumentar o endebedamento municipal débese te ren conta a situación económica do Concello, neste sentido desde Intervención apuntase, que conforme ao criterio expansivo fixado para determinar os Ingresos do Orzamento de 2008, o Remanente de Tesourería do próximo exercicio será negativo .
4º)Que no Anexo de Inversións non se especifican os gastos concretos que se financiarán con cargo a operación de crédito o que incumpre os requisitos de información recollidos no art. 19 del RD 500/1990. Neste sentido é evidente que non se pode incluír no Anexo de Inversións o gasto correspóndente ao Proxecto 2008/2/VIALE/1 y 2008/2/VIALE/2. De acordo cos datos aportados encontrariámonos ante un gasto corrente e non de inversión. Asemade o art.216 do Texto Refundido da Lei Reguladora das Facendas Locais establece que a hora de contabilizar os gastos, terase en conta a natureza económica dos mesmos, algo que se incumpre ao contabilizar como gastos do capítulo seis o que son gastos do capítulo dous.
Por todo exposto SOLICITASE que se teña por presentada esta alegación, que se proceda a súa toma en consideración, e xa que logo se proceda a anular os Orzamentos Municipais de Viveiro aprobados inicialmente no Pleno do 21 de xullo de 2008.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
