BARREIROS .- O BNG pedirá no pleno dos orzamentos de 2008 a retirada da proposta presentada polo PP na comisión de economía e facenda “senón se corrixen os erros e os defectos que detectamos neste novo borrador que nos presentaron en xuño, despois de teren retirado o presentado no mes de marzo”, explica o voceiro nacionalista, Antonio Veiga.
Desde o BNG tachan de complexa a situación económica do Concello de Barreiros que “segue a dar bastantes dores de cabeza”. Antonio Veiga asegura que “fomos recibindo a información destes orzamentos a contagotas. É curioso que non coñecemos ata as sete da tarde de onte o informe de intervención do Concello, non porque non fora realizado por ese departamento, senón porque non os recibiron antes para seren informados. Nós pouco puidemos facer nesa comisión máis que ir lendo os cinco folios do informe de intervención nos que se informa de xeito desfavorable e nos que se di practicamente o que nós tamén imos pedir que é a retirada dese proxecto de orzamentos para 2008”.
Antonio Veiga critica que neses presupostos “aparecen partidas de ingresos incrementadas e partidas de gastos sobredimensionadas. Sería moi difícil na execución deses orzamentos manter unha estabilidade presupostaria en Barreiros. Isto é un auténtico caos e unha chapuza do concelleiro de Economía e do alcalde, Alfonso Fuente que non saben por onde andan”.
Investimentos
Ao BNG chámalle a atención “a discrecionalidade nas subvencións, xa que hai anos que vimos reclamando a elaboración dunha ordenanza reguladora para que eses cartos se repartan entre as asociacións que máis traballan. O ano pasado o concelleiro de Economía recoñecía que a partida de inversións era raquítica e dicía que habería que subila ata o 25% do presuposto. Pois ben agora pasa do 14% no ano 2007 ao 17% neste 2008, é dicir só sube 3 puntos”.
Antonio Veiga considera que o PP “ten que retirar estes orzamentos e poñerse as pilas e traballar porque están totalmente perdidos e podemos entrar con serios problemas financieiros para o Concello de Barreiros. Mirando a liquidación do ano 2007 hai un desfase de 712.000 euros, algo que é curioso porque os orzamentos foron feitos na última quincena do ano co exercizo prácticamente vencido, e senón son capaces de facer cadrar as contas entón esto xa non sabemos o que é. Pedímoslle ao PP que elabore uns novos orzamentos con sentidiño e que obedezan ás necesidades reais do Concello de Barreiros”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
