RIBADEO .- A rúa doutor Moreda e as inmediacións da praza de abastos ribadense serán os viales nos que se comece a implantar o estacionamento con horario limitado “iso si, de xeito gratuíto” aclarou o alcalde Fernando Suárez sobre “a primeira experiencia de zona azul que imos ter en Ribadeo”. O sistema terá un límite horario de hora e media para aparcar na rúa Doutor Moreda e nas inmediacións da praza de abastos, agás no caso dos minusválidos que poderán estacionar durante tres horas.
Nota de Prensa
O CONCELLO COMENZA A IMPLANTAR O ESTACIONAMENTO CON HORARIO LIMITADO NA RÚA DOUTOR MOREDA E NAS INMEDIACIÓNS DA PRAZA DE ABASTOS.
Ribadeo, 5 de agosto de 2008. O Concello de Ribadeo comenza estes días a implantar o estacionamento con horario limitado na rúa Doutor Moreda e nas inmediacións da praza de abastos. O alcalde, Fernando Suárez, asegura que <imos ter en Ribadeo a primeira experiencia de zona azul, eso sí, de xeito gratuito>. O Concello está a enviar xa cartas aos establecementos comerciais <con fotocopias da ordenanza reguladora para que todos teñan coñecemento de primeira man sobre o funcionamento deste sistema reglado de estacionamento limitado e tamén estamos dando desde o Concello e desde o Centro Comercial Aberto unha serie de discos reguladores horarios para que os usuarios (veciños e visitantes) que poidan ou que queiran estacionar nestas zonas os coloquen en zonas visibles dos seus coches, por exemplo á altura do parabrisas, de xeito que a policía local poida efectuar as inspeccións rutinarias>. Este sistema terá un límite horario de hora e media para aparcar na rúa Doutor Moreda e nas inmediacións da praza de abastos, agás no caso dos minusválidos que poderán estacionar durante tres horas.
O rexedor engade que <agora unha vez efectuado o pintado de zona azul e unha vez que rematemos de colocar a sinalización vertical que lles indique aos usuarios que están a entrar nunha zona azul, comenzaremos xa a súa implantación. Confiamos na receptividade que poida ter entre os usuarios este sistema, e como sabemos que esto de un día para outro pode dar lugar a confusións, editamos xa uns papeliños informativos que por parte da policía local se poñerán nos vehículos que estean incumplindo nestes primeiros días con este sistema ORA de estacionamento limitado gratuito>. Fernando Suárez di que <a partires dun tempo prudencial si esta situación se segue a dar os usuarios serán convintemente sancionados, segundo recolle a ordenanza reguladora aprobada en pleno hai un par de meses. Pedimos polo tanto colaboración aos veciños e aos visitantes, porque unha vez que o sistema estea implantado será moi efectivo porque permitirá que moita máis xente se poida beneficiar desas 70 prazas de aparcamento coas que contamos nesa zona>.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
