Nota de Prensa
Cando o BNG chegou ao goberno municipal de Burela no ano 2007, unha das primeiras decisións que promoveu foi que se acordase poñer a disposición da Consellería de Vivenda e Solo un solar de Torrentes para a construción de 40 vivendas de protección, vivendas moi necesarias vistas todas as solicitudes e a lista de espera que houbo nas de recente construción no Torno.
Ao principio do 2008 a Concelleira de Vivenda e Tenente Alcalde, Neves Cando, acadou o compromiso da Conselleira nacionalista Teresa Táboas de que neste mesmo ano se iniciarían os trámites para a construción destas vivendas unha vez estiveran postos os terreos a disposición da Consellería.
Despois de que se iniciara todo o procedemento da Unidade de Actuación de Torrentes no ano 2006 e da adxudicación da obra de urbanización no 2007, vemos como agora, a punto de rematar o 2008, aínda non están rematados todos os trámites e procesos desa urbanización; pasa o tempo e aínda non se dispón dese solar para que a Consellería de Vivenda poida construír as mencionadas vivendas.
Foi unha constante a incompetencia e desinterese do Partido Popular pola promoción de vivenda protexida, desinterese demostrado no feito de que en 12 anos de goberno só fora capaz de sacar adiante 32 vivendas sociais, despois de ter rexeitado moitas iniciativas do BNG nese sentido.
Son tamén moitos os anos sen que Burela contara cun Plan Xeral de Ordenación Municipal, ferramenta indispensable para un desenvolvemento urbanístico que permita un crecemento ordenado e axeitado ás necesadades económicas e sociais do noso pobo. O BNG sempre apoiou a necesidade de contar con este instrumento e tamén apoiou en todo momento o desenvolvemento da Unidade de Actuación de Torrentes porque supoñía desbloquear unha situación negativa para os veciños afectados e permitía dotar o concello de novas áreas de expansión e de servizos, posiblitando á súa vez un despregue económico e urbanístico para Burela.
O BNG de Burela está preocupado pola lentitude da xestión deste proceso de desenvolvemento urbanístico e consideramos que se deben axilizar os trámites pendentes e realizar as actuacións pertinentes que permitan desbloquear a situación actual e se poida rematar o proceso de urbanización coa maior prontitude para facer efectivo o acordo municipal de cesión de terros para a construción das 40 vivendas de protección previstas nesta urbanización.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
