CERVO .- As concelleiras Pilar Armada (Asuntos Sociais, Muller e Seguridade Cidadá) e Yolanda Pedreira (Deportes, Sanidade e Patrimonio Cultural) mantiveron unha xuntanza na tarde de onte cos representantes das asociacións de Cervo e cos veciños en xeral na sede do Ecomuseo ‘Terras de Azul Cobalto’ para amosarlles as dependencias onde ten pensado situar o Concello o Centro Social para Maiores de Cervo.
Segundo indicou Pilar Armada, a reunión serviu para quer os representantes das asociacións e os veciños en xeral puideran ver a adecuación feita polo Concello na planta superior do Ecomuseo “e ver si era ou non do seu agrado para adicalo coma lugar de reunión e de ocio para os maiores”. Neste senso sinalou que os asistentes á xuntanza quedaron moi satisfeitos das instalacións ,“e tamén fixeron algunhas ssuxestións que teremos en conta” avanzou.
A responsable de Asuntos Sociais de Cervo sinalou que o Centropodería estar aberto a primeiros do vindeiro mes de novembro; unha vez acabe de rematar a dotación do inmoble. “Tan só faltan un par de cousas coma traer unha televisión, xogos de mesa, e algún outro detalle que esperamos ter arranxado moi pronto” dixo Armada.
O Centro Social para Maiores de Cervo era unha das promesas feitas polo actual grupo de Goberno Municipal durante a pasada campaña e unha das reivindicacións feitas polos veciños de Cervo e dos núcleos de poboación veciñas (Figueirido, Daián, Sargadelos, Espiñerido, etc…). As súas instalacións son axeitadas para adicalas ao esparexemento dos maiores á vez que serva coma punto de referencia e de lugar de encontro para todos os nosos maiores; tanto do núcleo de poboación de Cervo coma do resto do concello.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
