Nota de Prensa
O BNG DEMANDA A CONSTITUCIÓN DUNHA COMISIÓN DE SEGUIMENTO DAS OBRAS DA AUTOVÍA DO CANTÁBRICO AO SEU PASO POR ESTE CONCELLO.
Barreiros, 2 de outubro de 2008. O grupo municipal do BNG en Barreiros demanda por escrito a constitución dunha comisión de seguimento das obras da autovía do Cantábrico ao seu paso por este municipio. Antonio Veiga di que <somos conscientes de que todas as obras traen unha serie de inconvintes para os veciños desas parroquias e todo o mundo quere que esta autovía do Cantábrico se realice nos prazos previstos, pero eso non quita que desde o Concello e desde os colectivos veciñais se esixa que cause os menores desperfectos posibles>. O voceiro nacionalista conta que <existe entre os veciños un temor de que as augas de escorrentía nas ladeiras dos montes por onde pasa a autovía ao seren canalizadas en determinados puntos poden producir aluvións de auga grandísimos en épocas de choivas. Toda aquela auga que antes escorría por un número altísimo de hectáreas agora ao concentrarse en determinados puntos sí que pode producir eses aluvións>.
Veiga Outeiro engade que <a resposta que nos deron no pleno do pasado martes o alcalde e o concelleiro de Obras non era moi alentadora porque daban a entender que as conversas que eles mantiveron coas empresas constructoras e cos responsables de Fomento non foran moi fructíferas polas evasivas que lles deron>.
O voceiro de BNG asegura que <tamén hai un malestar xeral porque os camións de gran peso están a destrozar a rede viaria local próxima á autovía. Xa o dixemos nunha ocasión, que aquí o Concello ten que esixir non só que se repare ao remate das obras senón que durante a realización das mesmas se debe facer un traballo de mantemento e conservación porque hai viais que están intratables. Hai tamén preocupación entre os veciños porque alguna estrada pode quedar cortada ou cun acceso difícil ao estar a un nivel distinto>.
Desde o BNG propoñen a creación dunha comisión de seguimento das obras da A-8 donde estean representados os grupos políticos e os colectivos veciñais de San Miguel, de Benquerencia, de San Cosme, de Celeiro e de Vilamar… que son as parroquias polas que discorre a autovía, porque ¿quén mellor que os veciños de cada parroquia para saber como é inverno en cada zona e por onde pasan as augas e a onde hai que envialas?>.
Antonio Veiga considera que <estamos a tempo de esixir ante Fomento con forza ou ante as empresas constructoras, senón se fai así igual anos máis adiante temos que lamentar (agardemos que non desgracias) sí importantes desperfectos que sempre terán un custe a maiores para o Concello. Temos que demandar o que é xusto e necesario para as nosas parroquias>.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
